ကုန်းဘောင်ဆက် စတင်ခြင်း

ကုန်းဘောင်ဆက် စတင်ခြင်း

အင်း ဟင်္သာဆင်းဟူသော အဆိုမှာ အင်းဝပြည်ကြီး ပျက်စီး၍ ဟံသာဝတီ မွန်မင်းတို့ စိုးမိုးခြင်းကို ပြ ဆိုခြင်း ဖြစ်ပါသည်။
(ဟင်္သာမုဆိုး လေးနှင့်ခွင်း)ဆိုသည်ကတော့ အင်းဝကို လာရောက်အုပ်စိုးသူ ဟံသာဝတီ ဦးစီးဦးဆောင်ပြု ကာ တွန်းလှန်တိုက်ခိုက်ဖြိုဖျက်လျက် ကုန်းဘောင်မင်းဆက်ကို စတင် တည်ထောင်ခဲ့သည်ကို ရည်ညွှန်း ဆိုလိုခြင်းဖြစ်ပါသည်။

အင်းဝ မပျက်မီ ... ဟံသာဝတီရောက်မင်း နန်းမကျမီကပင် မုဆိုးဘိုရွာတွင် ဦးအောင်ဇေယျသည် ရွာ၏ အကြီးအကဲ ပုဂ္ဂိုလ်တစ်ဦးဖြစ်နေပါပြီ။
ဦးအောင်ဇေယျသည် ပုဂံမင်းမျိုး မိုးညှင်းမင်းတရားအဆက်မိုဆိုးဘိုရွာသားဖြစ်ပြီး သူ၏ ဆွေမျိုးစုတွင် အကြီးအကဲ သြဇာအာဏာ ရှိသည်။
သတင်းထင်ပေါ်ခဲ့၍ အင်းဝ ပျက်ပြီးသောအခါ (၁၁၁၄)ခုနှစ်တွင် မုဆိုးဘိုရွာကို ထန်းလုံးတပ် ပတ်လည်ဝိုင်း ၍ အခိုင်အလုံနေသည်။ ဟံသာဝတီမင်းနှင့် ကွေ့ရုဏ္ဏအိမ်တို့က သစ္စာပေးပါးလာသည်ကို မခံဘဲ သူ၏ဆွေမျိုး အသိုက်အ၀န်းကြီးထဲတွင် မင်းအဖြစ်ကို ခံယူလျက် ၁၁၁၅ ခုနှစ်။ ပထမ၀ါဆိုလပြည့် ကျော် ၆ ရက်နေ့၌ မုဆိုးဘိုကို မြို့တည်၍ "ရတနာသိင်္ခ ကုန်းဘောင်ပြည်ကြီး" ဟု သမုတ်လျက် ထီးနန်း စိုက် လိုက်သည်။ ထို့ကြောင့် (ဥသြအော်မြည် ကုန်းဘောင်တည်)ဟူသော သက္ကရာဇ် အမှတ်အသား နှင့်တကွ ကုန်းဘောင်မင်းဆက်ကို စတင်ခဲ့လေသည်။

အလောင်းမင်းတရားကြီး ဦးအောင်ဇေယျသည် ရွှေဘိုမြို့တွင် စံနေ၍ ထီးနန်းသက် ၈ နှစ်၊ သက်တော် ၄၅ နှစ် တွင် အနိစ္စရောက်တော်မူသည်။

သားတော် သမီးတော်တို့မှာ မဟာမင်္ဂလာ ရတနာဓိပတိ သီရိရာဇာစန္ဒာဒေ၀ီခေါ် မိဖုရားခေါင်ကြီးတွင်ဖွား မြင်တော်မူသော သားတော်သီရိသုဓမ္မရာဇာ အိမ်ရှေ့စံ၊ ခမည်းတော် ရိုက်ရာခံ မင်းဖြစ်သူ နောင်တော် ကြီး ၁။ ညီတော် သီရိဓမ္မရာဇာ မြေဒူးမြို့၊ စလင်းမြို့ကို စား၍ နောင်တော် အရိုက်အရာခံ မင်း အဖြစ် ရောက်တော် မူသော ဆင်ဖြူရှင်ခံ မြေဒူးမင်း ၂။ ညီတော် ငယ်ကလွန် ၃။ နှမတော် သီရိမဟာ မင်္ဂလာဒေ၀ီ ကန္နီမြို့စား ၄။ မောင်တော် သုဓမ္မရာဇာ အမြင့်မြို့ တလုပ်မြို့ကို စားသူ အမြင့်မင်းသား ၅။ နှမတော် သီရိမဟာ ရတနာ ဒေ၀ီ မင်းခင်းမြို့စား ၆။ မောင်တော် သတိုးမင်းလှရွှေတောင်ခေါ် သတိုးမင်းစော အမည်ဖြင့် ဗဒုံမြို့ မြ၀တီမြို့ စားပြီးလဆင် နောင်တော်၏ အရိုက်အရာ မင်းဖြစ်တော်မူသော ဗဒုံမင်းသား (အမရပူရမြို့တည် မင်းတရား) ၇။ နှမတော် သီရိမလ္လာရတနာဒေ၀ီ-အုန်းတော အောင်သာရွာနှင့် စကုမြို့စား ၈။ မောင်တော် သတိုးမင်းလှ မင်းရဲကျော်စွာ ပခန်းမြို့၊ ကလေးမြို့စား ပခန်းမင်းသား ၉။ ညီတော် သတိုးမင်းလှ မင်းရဲကျော်ထင် ပင်းတလဲမြို့၊ မြင်းစိုင်းမြို့တို့ကို စားသူ ပင်းတလဲ မင်းသား ၁၀။ စုစုပေါင်း သားတော် သမီး တော် (၁၀)ပါး ဖြစ်ပါသည်။

အလောင်းမင်းတရားကြီး နတ်ရွာစံလျှင် သားတော် အကြီးဆုံး နောင်တော်ကြီး (၁၁၂၂ နှစ်) နန်းတက် သည်။ စစ်ကိုင်းမြို့ကို ပြန်လည် ထူထောင်သောကြောင့် "စစ်ကိုင်းမင်း"ဟု ခေါ်၍ နန္ဒာကန်တွင်း၌ စေတိတည်သည်ကြောင့် ကန်တွင်းစည်းခုံ ဒါယကာ ဟုလည်း ခေါ်သည်။ စစ်ကိုင်းနှင့် ရွှေဘိုမြို့များတွင် တစ်လှည့်စီ စံတော်မူသည်။ နန်းစံသက် ၃ နှစ်၊ သက်တော် ၂၉ နှစ်တွင် အနိစ္စရောက်ရသည်။
နောင်တော်ကြီးမင်း နတ်ရွာစံသောအခါ ညီတော် အိမ်ရှေ့စံမြေဒူးမင်း နန်းတက်ပါသည်။ ၁၁၂၅ ခုနှစ် နတ် တော်လပြည့်ကျော် ၁၀ ရက်နေ့တွင် မြေဒူးမင်း နန်းတက်သောအခါ သားတော် စဥ့်ကူးမင်းအား အိမ်ရှေ့ နှင်းအပ်ပါသည်။

ခမည်းတော် အလောင်းမင်းတရားကြီး ဦးအောင်ဇေယျက သားတော်များအား အကြီးဆုံး နောင်တော်ကြီး မှ အစပြုပြီး ညီတော် အစဉ်အတိုင်း မင်းပြုရမည်ဟု မှာကြားခဲ့သော်လည်း မြေဒူးမင်းသည် ခမည်းတော် အမိန့် ကိုမနာခံဘဲ မိမိ သားတော်ကိုသာ နန်းရံ အိမ်ရှေ့နှင်းခဲ့လေသည်။

နောင်တော်ကြီးတွင် သားတော် "ဖောင်းကားစား မောင်မောင်" ရှိသည်။ နောင်တော်ကြီးသည် ခမည်းတော် အမိန့်ကို နာခံသောအားဖြင့်မိမိ သားတော်ကို နန်းရံမထားဘဲ ညီတော် မြေဒူးမင်းကိုသာ နန်းရံ ထားခဲ့သည်။ ယခု မြေဒူးမင်းကမူ သူ၏သားတော် စဥ့်ကူးမင်းကို နန်းရံထားလေသောကြောင့် ဖောင်းကားစား မောင်မောင်က မကျေမနပ် ဖြစ်၍ အရေးအခင်းပေါ်လာခဲ့ရခြင်းဖြစ်ပါသည်။
မြေဒူးမင်း သည် ထီးနန်းရသည့်နှစ်မှာပင် ပျက်စိးတိမ်မြုပ်နေသော အင်းဝမြို့ကို အသစ်တစ်ဖန် ပြန်လည် ထူထောင်ကာ "ရတနာပူရ" ဟု သမုတ်သည်။ တတိယ အင်းဝမြို့ကို တည်ထောင်သော မင်းဖြစ်၍ "ရတနာ ပူရ အင်းဝ တတိယမြို့တည်မင်း" ဟု ရာဇ၀င် ထိုးခဲ့ခြင်းဖြစ်ပါသည်။ ဆင်ဖြူရှင်ဘွဲ့ကိုလည်း ခံတော် မူရပါ သည်။ ဆင်ဖြူရှင်မြေဒူးမင်းသည် နန်းစံနှစ် ၁၃ နှစ်၊ သက်တော် ၄၀ တွင် အနိစ္စ ရောက်ပါသည်။

၁၁၃၈ ခုနှစ်တွင် မြေဒူးမင်း၏ သားတော် အိမ်ရှေ့စံ စဥ့်ကူးမင်း နန်းတက်ပါသည်။ တကယ်တမ်း နန်းဆက် ခံရမည့် ဘဒွေးတော် အမြင့်မင်းကို အဆုံးစီရင်ပစ်လိုက်သည်။ ဘဒွေးတော်အမြင့်မင်းကို အဆုံးစီရင်ပစ် လိုက်သည်။ ဘဒွေးတော်အငယ် ဗဒုံမင်းအား စစ်ကိုင်း ပို့၍ အနိမ့်အကျ ထားသည်။ နောင်တော်ကြီးမင်း ၏ သားဖောင်းကားစား မောင်မောင် ကိုလည်း ဖောင်းကားရွာသို့ အနိမ့် အကျပို့ထားလေသည်။

အသက်ငယ်ရွယ်သူ ဖြစ်သောကြောင့် အုပ်ချုပ်မှု မကျွမ်းကျင်သည့်ပြင် အပျော်အပါး အမေ့အလျော့ နေမှု များသည်။ သို့ကြောင့် ၁၁၄၃ ခုနှစ်တွင် စဥ့်ကူးမင်းသည် မင်းမိဖုရားစုံစွာနှင့် အညာသီဟတောသို့ ဘုရားဖူး ထွက်တော်မူခိုက် ဖောင်းကားစား မောင်မောင်သည် နန်းတော်ကို ၀င်ပြီး ညဥ့်တွင်းချင်း မှူးမတ် တို့အား ဓားကွပ်၍ သစ္စာရေတိုက်ပြီး အုပ်စိုးလေသည်။
ထိုသတင်းကို ကြားသိရသူ စစ်ကိုင်းနေ ဗဒုံမင်းသည် ညီတော် သားတော်တို့နှင့် တိုင်ပင်ပြီး လူသူ လက်နက်စုရုံးစေပြီးလျှင် နန်းတော်သို့ဝင်၍ တိုက်ခိုက်လေသည်။ သည်တွင် ဖောင်းကားစားကို ဖမ်းမိပြီး ထုံးစံနှင့် အညီ စီရင်ဖျောက်ဖျက်လိုက်တော့သည်။

အညာသီဟတောတွင် သောင်တင်နေသော စဥ့်ကူးမင်းသည် ဖောင်းကားစား မောင်မောင် အင်းဝနန်းကို စီး မိကြောင်း ကြားသိတော်မူရာ တပ်တော်များ စေလွှတ် လုပ်ကြံစေသော်လည်း အရေးရှုံးနိမ့်ကြသည်။ ဗိုလ်မှူး တပ်မှူးတို့လည်း စဥ့်ကူးမင်းကို ရှောင်ခွာသွားကြလေသည်။ သို့ကြောင့် ကြွင်းသမျှ အခြွေအရံတို့ နှင့် ဧရာဝတီမြစ်ကို စုန်ဆင်း ပြန်လာခဲ့သောအခါ အင်းဝ အရောက်၌ ဗဒုံမင်းက ဖမ်း၍ ထုံးစံနှင့်အညီ စီရင် ကွပ်မျက်လိုက်သည်။ စဥ့်ကူးမင်း နန်းသက် ၆ နှစ်၊ သက်တော် ၂၆ နှစ် အနိစ္စရောက်ရသည်။ ဖောင်းကား စား မောင်မောင်၏ နန်းစံသက်မှာ ခုနှစ်ရက်မျှသာ ရှိသည်။ ၁၁၄၄ ခုနှစ်တွင် အလောင်း မင်းတရားကြီး၏ စတုတ္ထသားတော်ဖြစ်သော ဗဒုံမင်းခေါ် (ဘိုးတော်ဘုရား)အင်းဝ၌ နန်း တက်သည်။ ၁၁၄၄ ခုနှစ်မှာပင် အင်းဝ ထီးနန်းမှတစ်ဆင့် အမရပူရမြို့သစ်ကို စတင်တည်ထောင်သည်။ ၁၁၄၅ နှစ်တွင် အမရပူရမြို့သစ်သို့ ပြောင်းရွှေ့စံနေသည်။

ဘိုးတော်ဘုရား (ဗဒုံမင်း)သည် သားတော်ကြီး ရွှေတောင်မင်းသားကို အိမ်ရှေ့နှင်းတော်မူသည်။
၁၁၇၀ ပြည့်နှစ်တွင် အိမ်ရှေ့မင်းကြီး အနိစ္စရောက်သောကြောင့် အိမ်ရှေ့မင်းကြီး သားတော်ဖြစ်သူ မြေး တော်စစ်ကိုင်းမင်းအား ဘိုးတော်ဘုရားက အိမ်ရှေ့အရာ နှင်းအပ်တော်မူပါသည်။

၁၁၈၁ ခုနှစ်တွင် ဘိုးတော်မင်းတရားကြီး နတ်ရွာစံသည်။ နန်းစံနှစ် ၃၇ နှစ် ၄လ၊ သက်တော် ၇၅ တွင် အနိစ္စ ရောက်ပါသည်။ ဘိုးတော်နတ်ရွာစံသော ၁၁၈၁ နှစ်မှာပင် မြေးတော် အိမ်ရှေ့ စစ်ကိုင်းမင်း နန်းတက် ပါသည်။

နန်းတက်ပြီးနောက် ၁၁၈၃ နှစ်တွင် အင်းဝမြို့ကို ပြန်လည်တည်၍ စံနေတော်မူခြင်းကြောင့် (ရတနာပူရ အင်းဝစတုတ္ထမြို့တည်နန်းတည်၊ ဖန်နန်းရှင်) မင်းတရားဟူသော ဘွဲ့မည်များနှင့် ရာဇ၀င် ထင်ရှားခဲ့ ပါသည်။
အင်းဝခေတ် ၄ ကြိမ်မြောက် ဖွံ့ဖြိုးစည်ပင်လာသည်နှင့်အမျှ ဘကြီးတော် လက်ထက် အရှုပ်အထွေးထွေး ဖြစ်နေသော နန်းမတော်မယ်နု၊ စလင်းမင်းသားကြီး ဦးအို၊ သာယာဝတီမင်း၊ စကြာမင်းကလေးခေါ် ညောင်ရမ်း မင်းသားလေးနှင့် ပထမံ ဆရာ ဦးအောင်တို့ တစ်စခန်းထကြရဦးမည် ဖြစ်ပါသည်။

ပုဂံပျက်ပြီးနောက် ဆက်တိုက် ထီးနန်းမြို့ပြ တည်ထောင်ခဲ့သောပင်းယမြို့သည် မင်း ခြောက်ဆက်တွင် ပျက်စီး တိမ်ကောသွားခဲ့သော်လည်း အင်းဝပြည်ကြီးကား မြန်မာရာဇ၀င် တစ်လျှောက်၌ ပျောက်ပျက်တိမ် ကောခြင်း မရှိခဲ့ဘဲ တက်လိုက် ကျလိုက်နှင့်ပင် ခေတ်လေးကြိမ်တိုင်တိုင် ကြီးကျယ်စည်ကားလာခဲ့ပါသည်။

မြန်မာရာဇ၀င်၏ နောက်ဆုံးအဆက်ဖြစ်သော ကုန်းဘောင်မင်းဆက်၌ပင် ဤအင်းဝမြို့ကြီးသည် ဆင်ဖြူရှင် မြေဒူးမင်း လက်ထက် တစ်ကြိမ်၊ သားတော် စဥ့်ကူးမင်း လက်ထက် တစ်ကြိမ်၊ ဘိုးတော် ဗဒုံမင်း လက်ထက် တစ်ကြိမ်နှင့် ဘကြီးတော်ခေါ် ဖန်နန်းရှင်မင်းလက်ထက် တစ်ကြိမ်၊ မင်းနေပြည်တော် ကြီး သုံး လေးကြိမ် ဆက်လက်တည်ရှိခဲ့ရာမှ ဘကြီးတော် ဖန်နန်းရှင်မင်း လက်ထက်တွင်မူကား နောက်ဆုံးပိတ် အိတ်နှင့်လွယ်ဆိုသော စကားပုံကဲ့သို့ အစည်ကားဖွံ့ဖြိုးဆုံး၏ အထွတ်အထိပ်သို့ ရောက်ခဲ့ ရပါသည်။

အင်းဝမြို့ခေတ်မှာ ရာဇ၀င်တစ်လျှောက် အရှည်ဆုံး ဖြစ်လိမ့်မည်ဟု ဆိုချင်ပါသည်။ ဖြစ်ဖျားခံရာ ပုဂံခေတ် နှင့် တစ်ဆက်တည်း ပင်းယမှ အင်းဝသို့ စီးဆင်းခဲ့သော ယဉ်ကျေးမှု ရေစီးချောင်းကြီးသည် အင်းဝ ၌ အကြန့်ကြာဆုံး ဖြစ်သောကြောင့် ပုဂံခေတ်မှ ယဉ်ကျေးမှု အခြေခံ အမွေအနှစ်များကနေပြီး ဥဒေါင်းမြီး ကသည့်နှယ် အသါယ်သွယ် အခန်းခန်း ပွင့်လန်းစည်ပင်၍ လာခဲ့ရခြင်းလည်း မည်ပါသည်။

ပင်းယနှင့် အင်းဝမြို့ဟောင်းများ ရေးသားခဲ့ရာတွင် ပင်းယ မြို့၏ ဖြစ်ပေါ်လာပုံ၊ အုပ်စိုးသည့် မင်းဆက် များအကြောင်း ရေးပြရာ၌ မင်းက ခြောက်ဆက်တွင် ပြတ်၍ ပင်းယပါ ပျက်လေသောကြောင့် တိုတိုနှင့် ကိစ္စပြီးခဲ့သော်လည်း အင်းဝပြည်ကြီးမှာ ရာဇ၀င်လာက အဓွန့်ရှည်ကြာခဲ့၍ မင်းဆက်များ အတိုချုံး၍ ရေးရ သည်ပင် အတော်ကလေး ရှည်လာခဲ့ရပါသည်။

*
မင်းသားကြီး ဦးအို၏ အုတ်တံတား

စာရေးသူတို့သည် တံတားဦးမြို့မှနေ၍ အင်းဝသို့ ကားဖြင့် ဆက်မောင်းလာခဲ့ကြပါသည်။ ကားမောင်းလာ သော လမ်းမှာ ကတ္တရာခင်းလမ်းမဟုတ်ပါ။ မြေနီ မြင်းလှည်းလမ်း သက်သက်လည်းမဟုတ်ပါ။ ခန့်မှန်းခြေ ပေ ၅၀ ကျော်ကျယ်ဝန်းသော အုတ်ခင်းထားသည့် လမ်းကျယ်ဖြစ်ပါသည်။ ဤလမ်းပေါ်မှာ ကား များလည်း မောင်းပါသည်။ လော်လီကားတွေလည်းလာသည်။ မြင်းလှည်းတွေလည်း ခွာသံ တခွပ်ခွပ်နှင့် မောင်းလျက်။ နွားဆွဲသော လှည်းများကလည်း ကုန်စည်ပစ္စည်းအများအပြား ၀န်တင်သယ်ယူကာ တအီအီမောင်းနှင်နေကြပါသည်။

သည် အုတ်ခင်းထားသော လမ်းမှာ သည်မျှ လေးလံစွာသော လှည်း၊ ရထား၊ ကားများ နှစ်ပရိစ္ဆေဒ ကြာ ရှည်စွာ မောင်းနှင်အသုံးပြုနေသောကြောင့် အုတ်လမ်းသည် ချိုင့်ခွက်များနှင့် ပျက်စီးယိုယွင်းနေပါသည်။ အလွန်တရာ ထုထည်ကောင်းသော အုတ်လွှာများကြေင့်သာ သည်မျှ ပျက်စီးခြင်းဖြစ်မည်။ သို့မဟုတ်ပါက ဖုတ်တောလမ်း၊ ရွှံ့ဗွက်လမ်းသာတွေ့ရတော့မည်။ လမ်းကြီးကလည်း အရှည်ကြီး။ အင်းဝမြို့ အ၀င်ပေါက်အထိ ပေါက်သည်။ အုတ်လမ်း၏ တစ်ဘက်တစ်ချက်တွင် အုတ်တိုင်ကြီးများ၊ အုတ်လက်ရန်း ကြီးများမှာ လမ်းတစ်လျှောက်လုံး ၀ဲ ယာ နှစ်ဘက်အပြည့်ရှိသည်။ အချို့နေရာတွင် ပြိုပျက် ကျိုးပဲ့ နေကြပါသည်။ တချို့မှာလည်း လမ်းဘေးရှိ တဲများမှ ၀ါးများ ထောင်ထားသည်။ အိမ်မိုးဝါးကပ်များ ပြုလုပ်ခြင်း၊ အိမ်ထရံအတွက် ရက်ခြင်း၊ ဖျာ၊ ရိုင် စသော အသုံးဆောင်များပြုလုပ် အသက်မွေးသူ ရွာသား များ၏ လိုရာသုံး မီးဖို ဖိုခနောက်မှ စ၍ ၀ါးခွဲ၊ ထင်းခွဲ၊ ထုရိုက် ပုတ်ခတ်၊ ဖျက်ဆီးမှုတို့ကြောင့် အုတ်ရိုးပေါင် များ ကစဥ့်ကလျား ဖြစ်ကုန်ကြပါပြီ။

ဤသို့ အခြင်းအရာများဖြင့် ပြီးသော အုတ်လမ်းကြီးသည်ကား အခြားမဟုတ်ပါ။ ဘကြီးတော်ခေတ်က လွန် စွာ နာမည်ကြီးခဲ့သော မင်းသားကြီး ဦးအို၏ အုတ်တံတားကြီးဖြစ်ပါသည်။
ဦးအို ၏ အုတ်တံတားကြီး ဆိုသည်ကား နန်းမတော် မယ်နု၏ အုတ်ကျောင်းကြီးနှင့် တစ်ပြိုင်တည်း တည် ဆောက်ခဲ့သော နာမည်ကျော်ကြားသည့် တံတားကြီးဖြစ်ပါသည်။ အမရပူရမြို့ တောင်သမန်အင်းမှ ဦးပိန် တံတား နာမည်ကြီးသလို၊ ဦးအို၏ အုတ်တံတားကြီးသည်လည်း နာမည်ထင်ရှားခဲ့ပါသည်။ ဦးပိန်တံတား သည် သစ်သားဖြင့် ဆောက်လုပ်ခဲ့သည်ပင် ဤမျှ ခိုင်ခံ့နေသေးလျှင် အင်းဝမှ ဦးအို၏ အုတ်တံတားကြီးက ဘာပြုလို့ ခံနိုင်ရည် မရှိရမှာလဲဆိုပြီး ရွာသားတွေ အနိုင်ကျင့်ချင်တိုင်းကျင့်၊ ကားတွေ၊ ရထားတွေ၊ လှည်းတွေ သွားချင်တိုင်း သွားနေကြတာ နှစ်ပေါင်း တစ်ရာ့ငါးဆယ် ကျော်ခဲ့ပါပြီ။ သူ့ခမျာ အင်မတန် ထုကြီး ထည်ကြီးမို့သာပါ။ နို့မဟုတ် ခနေ အမှုန့်တောင် ရှာမရတော့ဘူးပေါ့။

ဘာပဲဖြစ်ဖြစ် ကောင်းသည်ဖြစ်စေ၊ ဆိုးသည်ဖြစ်စေ အင်းဝက ဦးအို၏ အုတ်တံတားကြီးကို အမှုန့်ဖြစ် မသွားမီ ပြန်လည်သိမ်းဆည်းစောင့်ရှောက်ကြဖို့၊ သမိုင်းဝင် ပစ္စည်းလက်ရာကြီးတစ်ခုပြထားနိုင်ဖို့ တော် ပါပြီ။ မြန်မာလူမျိုးတွေဟာ ရှေးဟောင်းလက်ရာပစ္စည်းများ မထိန်းသိမ်း မစောင့်ရှောက်တတ်တဲ့ လူရိုင်း တွေပဲလို့ ကမ္ဘာ့ခရီးသည်တွေ စိတ်ထဲက ကဲ့ရဲ့အထင်သေးသွားမှာလည်း မခံချင်စိတ် ဖြစ်မိကြမယ် ဆိုရင် သာပြီး ကောင်းပါသည်။

ဦးအို၏ တံတားကြီး ပျက်စီးနေသည်ကို ကြည့်ရင်း ... သင်္ခါရကို မတွေးနိုင်သေးဘဲ အီတလီပြည်က အုတ် တံတားကြီးကို လည်းကောင်း၊ ပီဆာ မျှော်စင်ကြီးကို လည်းကောင်း ဘွားခနဲ အလားတူ သတိရ လိုက်မိသေး၏။ ပီဆာမျှော်စင်ကြီးကား စောင်းစောင်းရွဲ့ရွဲ့ကြီးနှင့် ကမ္ဘာကျော်နေသေး၏။ ဒီ အင်းဝက အုတ် မျှော်စင်ကြီး မှာလည်း စောင်းစောင်းရွဲ့ရွဲ့ကြီးပင် တောတွေချုံတွေကြားထဲမှာ မနည်းကြီး ကြည့်ယူရပါသည်။

မြင်ကွင်းကလေးမှာ လှပသပ်ရပ်လာရန် တောချုံတွေ သတ်သင်ရှင်းလင်းပြီး ခြံစည်းရိုးကလေးခတ်၊ မြက်ခင်းစိမ်း ကလေး ပတ်လည်ဝိုင်းပြီး တိုင်းရင်းသားရော နိုင်ငံခြား လေ့လာသူတွေပါ ကြည့်စရာ တစ်ခု အနေ နှင့် သေသေသပ်သပ် လုပ်ထားလျှင် အင်မတန်မှ ကောင်းမွန်သင့်မြတ်လှမှာပဲလို့ စိတ်ထဲက တွေးရင်း အုတ်တံတျား အဆုံးသို့ ရောက်ခဲ့ကြပါတော့သည်။

အင်းဝက ဦးအို၏ အုတ်တံတားကြီး အဆုံးသို့ ရောက်ပြီးနောက် အလွန်တရာမှ အကျည်းတန် အရုပ်ဆိုး လေရှာသော အင်းဝကူးတို့ဆိပ်ကို လျှောက်ပြီး ကြည့်ကြပါသည်။ ဧရာဝတီမြစ်ကို ဖြတ်ကူးထား သော အင်းဝ တံတားထိပ်ရှိ သပြေတန်းခံတပ်ကနေပြီး သဲသောင်ပြင်ကြီးဖြစ်တဲ့ သဲလမ်းမှ ဖုတ်တထောင်း ထောင်းထ အောင် နွားလှည်းများ၊ ဒေါ့ဂျစ်၊ လော်ရီ စသည့်ကားများနှင့် မောင်းလာပြီး မြစ်ငယ်မြစ် ကူးတို့ ဆိပ် သို့ ဆင်းကြရသည်။

ဒုဋ္ဌ၀တီခေါ် မြစ်ငယ်မြစ်သည် အင်းဝနှင့် သပြေတန်းခံတပ်အကြားမှနေပြီး ဧရာဝတီမြစ်ကြီးအတွင်းသို့ စီးဆင်း၍ မြစ်ချင်းပေါင်းဆုံသောနေရာရာလည်းဖြစ်ပါသည်။

ကူးတို့ဆိပ်မှာ လှေဖောင်တစ်ခုရှိပါသည်။ လူနှင့် ကားဖြတ်ကူးပို့ဆောင်နေပါသည်။ မြစ်ရေနည်းချိန် ဆိုလျှင် ရေအပြန့် ကျဉ်းပါသည်။ မြစ်ရေတိုးချိန်ဆိုလျှင် ရေအပြန့် ကျယ်ပါသည်။

အင်းဝဘက်က ကူးတို့ဆိပ် အတက်မှာလည်း ကမ်းပါးစောက်က နက်သောကြောင့် တမော့ကြီး ကုန်းရုန်း တက်ကြရပါသည်။ သဲ၊ နုံး၊ ဖုတ်တို့ကလည်း နေပူရှိန်ကြောင့် ခြစ်ခြစ်တောက်ပူလျက်`၇ှိသည်။ ဖုတ် ထူသော လမ်းပေါ်၌ခြေမျက်စိမြုပ်အောင် နင်းရ၊ ရုန်းကြရပါသည်။ ကားဆိုလျှင်လည်း ဟောဟဲ မြည် အောင် စက်သံဗိန်းမောင်းရိုက်၍ တက်ရပါသည်။ မြင်းလှည်း၊ နွားလှည်းများဆိုလျှင်လည်း မြင်းနှင့် နွားသတ္တ ၀ါခမျာများ လျှာအလျားသား ထွက်အောင် ရုန်းရရှာပါသည်။

သတ္တ၀ါတို့မည်သည် ဖြစ်လေရာ ဘ၀တွင် ပျော်ရွှင်တစ်လှည့် ငိုတစ်လှည့်၊ မဲ့တဲ့အခါမဲ့၊ ပြုံးတဲ့အခါ ပြုံးပြီး သု၊ ဒုက္ခတာဝန်တို့ကို ကုန်းရင်း ရုန်းရင်းကပဲ သေပွဲဝင်ကြရတယ်။ အချိန်တန်တော့ သေကြရမှာ မလွှဲတဲ့ တရားပေကိုး။ ဘ၀ကို ရုန်းရင်းကန်ရင်းနဲ့ပဲ အိုမယ်၊ နားမယ်၊ သေမယ်ဆိုတဲ့ တရားပေကိုး။ ဘ၀ကို ရုန်းရင်း ကန်ရင်းနဲ့ပဲ အိုမယ်၊ နာမယ်၊ သေမယ်ဆိုတဲ့ တရားတွေဟာ ရှောင်လွှဲပြေးပုန်းလို့ ရနိုင်တဲ့ ကိစ္စတွေ မဟုတ် ပါလား။ ဒါကြောင့် တိရစ္ဆာန်ပဲဖြစ်ဖြစ်၊ လူပဲ ဖြစ်ဖြစ် ဘ၀ရဲ့ တာဝန်ကို မရုန်းချင် မကန်ချင်လို့ မရ၊ သုခ၊ ဒုက္ခတွေ ကြားထဲကပဲ အိုရ၊ နာရ၊ သေကြရမှာပါကလား ... လို့ တရားကျချင်စရာ မြင်ကွင်း ပါပဲ။ လူတွေ တိရစ္ဆာန်တွေ ရုန်းကန်နေရတဲ့ အင်းဝကူးတို့ဆိပ် မြင်ကွင်းဟာ နိဗ္ဗန်မရသေးသမျှ ဘ၀ ရဲ့ ၀ဋ်ဒုက္ခ ရုန်းကန်ရမှုတွေ အတွက် သင်ခန်းစာ ဥပမာ တစ်ရပ်လိုပဲ တွေ့မြင်ခဲ့ရခြင်းဖြစ်ပါသည်။

အင်းဝကူးတို့ဆိပ် ကြည့်ရှုကြပြီးနောက် အင်းဝမြို့ဟောင်း ချုံပိတ်ပေါင်းတို့ကို လိုက်လံကြည့်ရှုရန် ထွက်လာ ခဲ့ကြပါသည်။
အင်းဝမြို့ကြီးကို စတင် တည်ထောင်ခဲ့သူ သတိုးမင်းဖျားသည် တစ်ဘက်တွင် ဧရာဝတီ၊ တစ်ဘက်တွင် ဒုဋ္ဌ၀တီ မြစ်နှင့် တစ်ဘက်သော နှစ်နေရာက ချောင်းများဆုံရာတွင် ကွက်လပ်၌ မြို့တည်ထားခြင်းဖြစ်၍ ကျုံး၊ မြောင်း စသည်များကိုလည်း မြို့ပတ်လည်တွင် ၀န်းရံထားပြန်ပါသည်။ ရေယဉ်ဝိုင်းနေသောမြို့၏ ရေ တံတိုင်းကြီး များဟုလည်း ဆိုနိုင်ပါသည်။

မြို့၏ အနေအထားမှာ နန်းတော်ရာ အတွင်းမြို့ရိုးကို လေးထောင့်စတုရန်း တည်ဆောက်ခဲ့သော်လည်း အပြင်မြို့ရိုး မှာတော့ လေးထောင့်ကျကျ မထားဘဲ၊ သုံးထောင့်ချိုး ပုံသဏ္ဍာန်ကိုပင် မြို့ရိုးကို မန္တလေး ရတနာပုံ မြို့ရိုးကဲ့သို့ မျဉ်းတစ်ပြေးတည်း ဖြောင့်ဖြောင့်တန်းတန်းမဟုတ်ဘဲ၊ ခိုနန်းချိုးထောင့်တွန့် တွေနှင့် တစ်မျိုးတစ်ဖုံ တည်ဆောက်ထားသည်။ မြို့ရိုးအင်္ဂါများဖြစ်သော ပစ္စင်၊ ရင်တား၊ သူရဲပြေး၊ သူရဲခို၊ ပြအိုး၊ တံခါးစသည်များအပြင် ထောင့်ချိုးတွေ အကွေ့တွေ ဖန်တီးထားပြီးမှ မြို့တံခါး ၁၆ ရပ်ထက်မနည်း ထားရှိသည်ဟု ဆိုပါသည်။
အတွင်းနန်းမြို့ရိုးမှာတော့ တံခါးပေါက် ၉ ပေါက်ရှိ၍၊ အပေါက်တံခါး ၉ ခုကို ပါဠိလို (န၀)ဟု ခေါ်သဖြင့် အပေါက် ၉ ခုဟုလိုအပ်သော န၀ကို အခြေပြုဟန် ရပါသည်။ အချို့ အမှတ်အသားများမှာ အင်း ၉ အင်းကို ဖို့၍ တည်သောမြို့ဖြစ်သောကြောင့် "အင်းဝ" ဖြစ်လာကြောင်း အဆိုရှိပါသေးသည်။ တံခါးပေါက် အ၀ ၉ ခု ရှိ၍ အ၀၊ န၀မှာလည်း နီးစပ်သယောင် ဖြစ်နေပြန်ပါသည်။

မဟာဇေယျ ပထမအမည် သမုတ်ခဲ့သော အင်းဝမှ ဦးအို၏ အုတ်တံတားကြီးကို ဦးအိုတံတားဟုသာ အခေါ် များခဲ့ကြသလို ဘကြီးတော် ဖန်နန်းရှင်ဘုရင်၏ မိဖုရားခေါင်ကြီး၏ ကောင်းမှု အုတ်ကျောင်းကြီး ကား "မယ် နုအုတ်ကျောင်း" ဟုသာ အခေါ်များခဲ့သည်။

ကျောင်းတော်ကြီး ခိုင်ခံ့သည်မှာ တအံ့တသြ ဖြစ်စရာ၊ ထုပ်လျောက်ဒိုင်းမြားမပါ၊ အုတ်ပေါင်းကူး မုခ်လျောက် များနှင့်သာ ပြီး၏။ အင်္ဂတေရွတ်ကလည်း ပုဂံခေတ်မှ တည်သော သဗ္ဗညုဘုရား၊ ဂေါတော့ ပလ္လင် ဘုရားများက အင်္ဂတေသရွတ်မျိုးမီးပါး၊ ခိုင်ခံ့ကျစ်လျစ်လှပါသည်။

အုတ်ကျောင်း ပေါင်းကူးပေါက်များသည် ကျောင်း၏ အောက်ထပ်၌လည်းကောင်း၊ အထက်ထပ်၌ လည်းကောင်း စနစ်တကျ ညီညီညာညာနှင့် အချိုးအစား ကျနလှပါသည်။ အရှေ့မှ အနောက်သို့လည်း ကောင်း၊ မြောက်မှ တောင်သို့ လည်းကောင်း၊ တစ်ဘက်မှ တစ်ဘက်သို့ ရှုမျှော်လိုက်တိုင်း မုခ်ပေါက်များ တစ်ပြေးတည်း တညီတညွတ်တည်း ဖြောင့်ဖြောင့်ဖြူးဖြူး တွေ့မြင်နေရပုံမှာ ပုဂံမှ အာနန္ဒာ ဘုရား အတွင်း ရှိ မုခ်ကူးများကဲ့သို့ပင် လှပစွာ တွေ့မြင်နေရပါသည်။

ကျောင်းအောက်ထပ်မှာ ဖုန်များ အမှိုက်သရိုက်နဲ့ မြက်ပင်များရှုပ်ထွေးပြီး လင်းနို့ချေးနံ့ကလည်း စူးစူးရှရှ ရှိလှ၍ ၀င်ကြည့်လိုသူတို့မြွေ၊ ကင်း ကြောက်ရမှုကြောင့် မ၀င်ဝံ့ခဲ့ကြပါ။ ရှင်းရှင်းသန့်သန့် ကလေးဆိုလျှင် အင်မတန် ပင် ကြည့်လို့ကောင်းတဲ့ နေရာမျိုးပါ။ ရှေးအခါကဆိုလျှင် စာသင်သားများ နမော ဗုဒ္ဓါရ သိဒ္ဓါ၊ အ၊ အာ၊ ဣ၊ ဤ၊ ဥ၊ ဦ၊ အေ၊ အဲ က အစ ... ဧ၀ံမေသုတံ ဧကံသမယံတွေ ရွတ်ဖတ်ကျက်ဆိုနေတဲ့ နေရာပေ တကား။ ဆရာတော်ကြီး ဦးပုတ် သီတင်းသုံးသည့် ကျောင်းတော်ကြီးပါပေ။ ရှေးခေတ် ကျောင်း တော်ကြီးများ၌ ရှိသော ဘုရားဆောင်များမှာ ပလ္လင်တကဲကြီးကြီးတွေနှင့် ထားရှိမြဲဖြစ်ပါသည်။

*

.
Posted by SHWE ZIN U
Labels: ဒဂုန်ခင်ခင်လေး ၏ ကျွန်းဦးတည့်သန်လျက်ခုံ