ဘာကြောင့်ရဟန်းဝတ်တာလဲ

ဘာကြောင့်ရဟန်းဝတ်တာလဲ…ll.?
……………………………………
တချို့သူတွေကအမျိုးမျိုးပြောကြတယ်
ရဟန်းဝတ်တယ်ဆိုတာက
၁…စားဝတ်နေရေးအဆင်မပြေလို့ဝတ်ကြတယ်။
၂…အလုပ်မလုပ်ချင်လို့ဝတ်ကြတယ်တဲ့။
သေချာပြန်စဉ်းစားကြည့်တော့ရဟန်းဘဝဝတ်လာတဲ့သူတွေကလူလတ်တန်းစားတွေဖြစ်တာများပါတယ်။
အချို့တော့လည်းချမ်းသာတဲ့သူတွေကဝတ်ကြတယ်။တချို့ကြတော့အခြေခံလူတန်းစားပေါ့
စားဝတ်နေရေးတွက်ဆိုရင်တော့မှားတယ်။မြန်မာနိုင်ငံမှာအစာငတ်လို့သေတယ်ဆိုတာမကြားစဖူးသေးပါ။ဆိုတော့,…
စားဝတ်နေရေးကြောင့်ဆိုတာဘယ်လိုမှစဉ်းစားလို့မရပေ
အစားငတ်လို့သေတဲ့``မသာ´´ရှိတဲ့နေ့
ဖြစ်ချင်လည်းဖြစ်မှာပေါ့…
……………………………………………………………
ဘာကြောင့်ရှင်ရဟန်းဝတ်တာလဲ…?
နိဗ္ဗာန်မြန်မြန်ရချင်လို့ပြောပါရစေ…
ရှင်ရဟန်းပြုချင်သည်နိဗ္ဗာန်မြန်မြန်ရောက်ချင်လို့…
အဘယ့်ကြောင့်နည်း…
လူဝတ်ကြောင်ဘဝနှင့်ဆိုလျင်လူမူရေးစီပွားရေးမိသားစုရေးဟုဆိုသောအရေးပေါင်းမြောက်များစွာတွေ့ကြုံနေရသည်။ထိုအရေးအများကိုအမြဲပြုလုပ်နေရသည်အတွက်တရားအားထုတ်ဖို့အချိန်အများကြီးမပေးနိုင်။ပေးနိုင်သော်လည်းခဏလေးသာပေးနိုင်ကြသည်။သားရေးသမီးရေးစီးပွားရေးကိစ္စတွေနဲ့တနေ့တာအချိန်တွေကုန်ဆုံးနေရသည်။
လူဘဝဆိုတာကအစမထင်သံသရာကနေကျင်လည်လာရသည်ဘဝပေါင်းမြောက်များစွာကအကုသိုလ်အတုံးအခဲကြီးကိုတခဏလေးနဲ့ချေဖြတ်လို့ရရင်လူတွေအကုန်လုံးအရိယာတွေဖြစ်နေတော့မှာပေါ့။
ရဟန်းဘဝရောက်လာတဲ့သူများသည်တယောက်ထဲသမားလိုပါပဲ။တွယ်တာစရာမရှိ။လူတွေလိုငါ့သားငါ့သမီးဆိုပြီးပြန်လှည့်ကြည့်နေစရာမလို
မိမိသွားလို့နိဗ္ဗာန်အရပ်ကိုလွတ်လွတ်သွားနိုင်သည်။တရားအလုပ်တခုထဲကိုသာကြိုးစားအားထုတ်နိုင်သည်။ထို့ကြောင့်သူများတွေလိုဘာအရေးမှကြည့်စရာမလိုပဲမိမိအရေးတခုသာကြည့်၍သွားနိုင်သည်။မိမိသွားရင်သွားသလောက်မဂ်ဖိုလ်နိဗ္ဗာန်ကိုမြန်မြန်ရောက်သည်။
ဘာကြောင့်ရဟန်းဝတ်တာလဲ…?
မဂ်ဖိုလ်နိဗ္ဗာန်မြန်မြန်ရချင်လို့ပဲဖြေပါရစေ…
ဆက်ရန်……
         သကျပျို{ရေနံမြေ}
          20-10-17

ဒေသနာကြားရှင်းလင်းချက်

ဒေသနာကြားရှင်းလင်းချက်

၁။အဟံ ဘ​န္တေ သဗ္ဗာ အာပတ္တိ​ယော အာဝိက​ရောမိ .ဒါက​ဒေသနာကြားတာမဟုတ်​​သေးဘူး သင့်ရောက်နေတဲ့အာပတ်ကိုပဋိစ္ဆန္နကြောင့်အာပတ်သင့်တယ်
သံဃာဒိသေသ်ဆိုဖုံးသလောက်ပရိဝါသ်ကျင့်ရတယ်

ထို့ကြောင့်
ပဋိစ္ဆန္နမဖြစ်​​အောင်​ထုက်​​ဖော်​ပြတဲ့အာဝိကရဏပဲ

သာဓု အာဝု​သော သာဓု သာဓု. ဒါကအကြီးကအာဝိကရဏကိုလက်​ခံတာ

အဟံဘ​န္တေ သမ္ဗဟုလာ နာနာဝတ္ထုကာ သဗ္ဗာ အာပတ္တိ​ယော အာပဇ္ဇိံ၊တာ တုမှမူ​လေ ပဋိ​ဒေ​သေမိ။ ဒါက​ဒေသနာကြားလျှင်​​ပျောက်တဲ့ အာပတ်​ငါးပုံအတွက်​ဒေသနာကြားတာ
ီနိဿ       ဂ္ဂိဆိုလျှင်​​တော့ဝတ္ထုကိုစွန့်​ပြီးကြားမှ​ပျောက်​တာပါ

ပဿသိ       က​နေ
ပဿာမိအထိအမေးကတိကို
ပဋိညာဉ်​ဝန်​ခံတာ

အာယတိံအာဝု​သော
က​နေသံဝရိဿာ မိအထိကအမေးနဲ့
ပဋိညာယကာ​ရေတ​ဗ္ဗော အရသမထ၇ပါထဲကပဋိညာတကရဏဖြင့်​
အာပတ္တာဓိကရုဏ်းငြိမ်း​စေပုံပါ

အခုလို​ပြောကြားရာ၌ဝတ္ထုသဘာဂအာပတ်​တူ​နေကြလျှင်​အကြီး​ရောအငယ်​ပါ​ဒေသနာ​ပြောရင်းဒုက္ကဋ်​သင့်​တယ်​

ဥပမာ
ဝိကာလ​ဘောဇနအာပတ်​တူ​နေတာမျိုး​ပေါ့

အကယ်၍
အကြီးမှာဘာအာပတ်​မှရှိမ​နေလျှင်​ဒီမှာပဲကိစ္စပြတ်​တယ်​ပြီးတယ်

၂။အာပတ်​ရှိ​နေလျှင်​အကြီးက​ဒေသနာကြားအငယ်​ကခံယူ

အဲ့ဒါ ဆိုလျှင်​အကြီးမှာအရင်​ကရှိ​နေတဲ့အာပတ်​​ရောဝတ္ထုသဘာဂရှိလျှက်​နဲ့​ဒေသနာခံယူတဲ့ဒုက္ကဋ်​အာပတ်​ပါစင်​ကြယ်​
သွားပြီ

၃။ဒါ​ပေမယ့်​အငယ်​မှာဝတ္ထုသဘာဂရှိလျှက်​​ဒေသနာကြားလို့သင့်​တဲ့ဒုက္ကဋ်​ရှိ​နေ​သေးတယ်​
အဲ့ဒီအတွက်​တပြန်​ထပ်​ကြားဒါဆိုအဲ့ဒီအာပတ်​လည်း​ပြောင်​စင်​ပြီ

သဘာဂဝတ္ထုအာပတ်​တူ​ဒေသနာကြားလျှင်​
ကြားခြင်းဒုက္ကဋ်​နဲ့
ခံယူခြင်းဒုက္ကဋ်​ဟာဝတ္ထုမတူဘူး​နော်​

ဒေသနာကြားခြင်​ကိုအ​လေးဂရုပြု ပြီး​လေး​လေးနက်​နက်​ပြုလုပ်​သင့်​ပါတယ်​
ဘုရားရှင်​က."အပြစ်​ကိုအပြစ်​မှန်းသိမြင်​ပြီး တရား​သောနည်းလမ်းဖြင့်​ကုစားတယ်​၊ ​နောင်​တချိန်​မှာလည်းမလွန်​ကျုး​တော့ပဲ​စောင့်
့​ထိန်​တဲ့သူဟာ စင်​ကြယ်​တဲ့ငါဘုရားရှင်​သာသနာ​တော်​မှာ ကြီးပွားတိုးတက်​လိမ့်​မယ်​” ဆိုတဲ့မှတ်​ချက်​သုံးသပ်​ချက်​မိန့်​မှာချက်​ရှိ​နေလို့ပါ။

ဓ​မ္မေ ​ဟောန္တု  သဂါရဝါ။

နောက်ဆက်တွဲ

"စေတနာနှင့်တကွလွန်​ကျုးလိုစိတ်​နဲ့သင့်​​ရောက်​​သောအားပတ်​ခုနှစ်​ပါးလုံးသည်​ဈာန်​မဂ်​ဖိုလ်မရအောင်တားမြစ်နိူင်တယ်
( နိဒါန်း ။
ဥ​ပေါသထက္ခန္ဓက၊မဟာဝါ)

သာရတ္ထဋီကာ. တ.အုပ်​မှာ နတ်​ပြည်​အတွက်​ပါတာမြစ်​နိူင်​တယ်​။

ဝိသုဒ္ဓါ​ပေ​က္ခေန သန္တီ အာပတ္တိ အာဝိကာတဗ္ဗာ၊အာဝိကတာ ဟိ ဿ       ဖာသု
ဟောတိ။ (နိဒါန်း၊မဟာဝါ)
အဲ့ဒီအာပတ်​​တွေမှစင်​ကြယ်​လွတ်​​
မြောက်​ချင်​လျှင်​ လွန်​ကျုးထားတဲ့အာပတ်​၊မကုစားရ​သေးတဲ့အာပတ်​ကို
သံဃာ့အလယ်​သော်လည်းကောင်း၊ဂိုဏ်းအလယ်​၊ရဟန်းတစ်​ပါးအထံသော်လည်းကောင်းဝန်​ခံ​​ဒေသနာ​ပြောကြားရမည်​
အဲ့ဒါဆိုစင်​ကြယ်​သွား​သော​ကြောင့်​
ဈာန်​မဂ်​ဖိုလ်​​တွေရနိူင်​ပါပြီ။

(သာရတ္ထဋီကာ တ.အုပ်​ဆက်​ကြည့်​​အောင်​)
ဂရုကအာပတ်​နှစ်​မျိုးတွင်​
ပါရာဇိကကျ​သောရဟန်းသည်​
ပါရာဇိကကျသွားပြီလို့မဝန်းခံ​သေးပဲ
ရဟန်​အဖြစ်​အ​နေနဲ့ဝန်​ခံ​နေ​နေသမျှပတ်လုံး။

သံဃာဒိ​သေသ်​အာပတ်​သင့်​​သောရဟန်းသည်​ ထိုအာပတ်​မှမကုစားမထ​မြောက်​ရ​သေးသမျှ ပတ်လုံး။

ကျန်​လဟုကအာပတ်​သင့်​​သောရဟန်းသည်​ ​ဒေသနာမ​ပြောကြား​သေးသမျှ ပတ်လုံး။

ထိုရဟန်းတို့သည်​( နတ်​ပြည်​ )မဂ်​၊ဖိုလ်​တို့ကိုမရနိူင်​ဘူး ။

(ပရိဝါအဋ္ဌကထာကြည့်​ရ​အောင်​)
စေတနာနဲ့တမင်​တကာလွန်​ကျုးတဲ့အာပတ်​ခုနှစ်​ပါးလုံး
နတ်​ပြည်​ မဂ်​ဖိုလ်​ ကိုတားမြစ်​နိူင်​တယ်​။
မသိလို့လွန်​ကျုးမိတဲ့ ပဏ္ဏတ္တိဝဇ္ဇ.ခေါ်တဲ့
လူလောကအ​နေနဲ့​တော့ အပြစ်​မရှိပဲ
ဘုရားရှင်​ကထုက်​ပြန်​ထားလို့သာ
အပြစ်​ဖြစ်​တဲ့သိက္ခာပုဒ်​မျုိး​တွေက​တော့ နတ်​ပြည်​ မဂ်​ဖိုလ်​ကိုမတားမြစ်​နိူင်​ပါဘူး။

ဒေသနာ ​ပြောကြားရမည့့်​အာပတ်​ကို​ဒေသနာ​ပြောကြားမယ်၊

သဃာဒိ​သေသ်​လို့ဝုဋ္ဌာနဂါမီအာပတ်​ကို သံဃာနဲ့ကုစားမယ်၊

ပါရာဇိကအာပတ်​သင့်​လျှင်​​တော့
လူ့ဘဝ​ပြောင်း ဒါမှမဟုတ်​ သာမ​ဏေ
ဘောင်​​ပြောင်း သီလဖြည့့်​ကျင့်​ကာဆက်​လက်​အားထုက်​မယ်ဆိုလျှင် ဥပနိဿ
ယအ​ကြောင်းရှိက
ဈာန်​မဂ်​ဖိုလ်​ရနိူင်​ပါတယ်​ ။

(ပါရာဇိကကျတိုင်းငရဲကျ/မကျ)

ကျတာလည်းရှိတယ်
မကျတာလည်းရှိတယ်

ပထမပါရာဇိက ဟာဘိက္ခုနီမ
ဥပ္ပလဝဏ်​လိုအရိယာ​ထေရီမကိုပြစ်​မှားတဲ့နန္ဒလုလင်လိုဖြစ်​​နေမယ်​

တတိယပါရာဇိကဟာ အရဟန္တဃာတကဖြစ်​​နေမယ်​ဆိုလျှင်​​တော့
အာနန္တရိယကံမျိုးဖြစ်နေလို့
လွတ်​လမ်း​ပြေးလမ်းမရှိ​တော့ဘူး ဈာန်​မဂ်​ဖိုလ်​မရရုံမဟုတ်​ဘူး
သေပြီး​နောက်​လည်းသေချာပေါက် ငရဲကိုသွားမှာပဲ
ပါရာဇိကနာမည်​တူ​ပေမယ့်​သက်​​ရောက်​မှု့ အမျိုးစားကွဲပါတယ်​။

(ပါရာဇိကကျသူရဲ့​နောက်​ဆက်​တွဲ)

ရဟန်း​ကောင်း​တွေနဲ့ ဥပုသ်​ပဝါရဏာစတဲ့သိမ်​ထဲမှာပြုလုပ်​ရတဲ့ သံဃာ့ကံ​တွေမှာအတူတကွ ပါဝင်​ပတ်​သံခွင့်​မရ​တော့ဘူး
(ပါရာဇိ​ကော​ဟောတိအသံဝါ​သော။ ပါရာဇိကသိက္ခာပုဒ်​မာတိကာပါဠိနှင့်​ပဒဘာဇနီ)။

ရဟန်​အဖြစ်​ကိုဝန်ခံ​နေသ၍
အာပတ်​မှမစင်​ကြယ်​​သေးသလို
ဈာန်​မဂ်​ဖိုလ်​လည်းမရနိူင်​ပါဘူး။

အာပတ်​သင့်​​ကြောင်းကို
ဝန်​ခံ​ပြောကြားရမယ်​
လူဘဝ သာမ​ဏေဘဝ ​ပြောင်းရမယ်​ အဲ့ဒီလိုမှ အာပတ်​စင်​ကြယ်​တယ်​။

ပါရာဇိကျသူဟာ ရဟန်​အဖြစ်​ဝန်​ခံ​နေသေးရင်​ သံဝါသ​တွေကိုသာယာမယ်​ဆို
ထေယျသံဝါသကမဖြစ်​ပါဘူး
သူ့​ကြောင့်​သြမသဝါဒသိက္ခာပုဒ်​အရကျန်ရဟန်းမှာသင့်​နိူင်​​သေးတယ်​
သူ့ကိုလူသာမ​ဏေလို့​ ပြောမရသေးဘူး
အဲ့ဒါ​တော့သတိပြု
(သာရတ္ထဋီကာ ၊၂)။

(ပါရာဇိကဏ်​အဋ္ဌကထာ စတုဗ္ဗိဓဝိနယကထာ​နောက်​ဆုံမှာ)
ရှင်​ရဟန်းအဖြစ်​ကရခဲလို့ သက်​ညှာရမယ်​လို့မှာထားတယ်​
ပါရာဇိက
ကျ​နေတယ်​ထင်​​နေ​သော်​မှ
" သင့်​ဘဝရဲ့ ချမ်းသာ​ရေးကို သင့်​ဘာသာ ရှာ​ဖွေပါ”လို့ ​ပြောရမည်​လို့
မှာထားတယ်​

ဒါဟာတကယ့်​ကိုသတိပြုရမှာပါ
(အဲ့ဒီအပိုဒ်​ထဲက မ​တော်​တဆကျတာကိုရည်​ရွယ်​​ရေးထားဟန်​ပဲ)

သုတ္တန်​မှာ
(အင်္ဂုတ္တိုရ်​ စတုက္က အာပတ္တိဘယသုတ်​)
"ပါရာဇိကျသူဟာ နည်းလမ်းတကျ ကုစားလိမ့်​မယ်​"ဆိုတဲ့စကားရယ်

(ဧကနိပါတ်​ အဋ္ဌကထာမှာ )
အဂ္ဂိက္ခ​န္ဓောပမသုတ်​ကိုကြားနာပြီး ထိတ်​လန့်​ပြီး ​သွေးအံတဲ့ရဟန်​​တွေဟာ ပါရာဇိကကျတဲ့ရဟန်း​တွေပဲ"ဆိုတဲ့စကာ ​တွေ​ထောက်​လျှင်​
ပါရာဇိကကျတဲ့ရဟန်း​တွေဟာ
ရဟန်းအသွင်​နဲ့​အခြေနေအရနေကြ​သေးတယ်​ဆိုတာထင်​ရှားတယ်​။
(အင်္ဂုတ္တိုရ်​ အဋ္ဌကနိပါတ်​ကာရဏ္ဍဝသုတ်​မှာ)
"သီလပျက်​ပြီး အမှိုက်​သရိုက်​နဲ့တူတဲ့မစင်​ကြယ်​​သော
ရဟန်း​တွေကို ​ကျောင်းတိုက်​က​နေနှင်​ထုတ်ကြ
စင်​ကြယ်​တဲ့ရဟန်း​တွေဟာ စင်​ကြယ်​တဲ့ရဟန်း​တွေနဲ့ပဲ သံဃာ့ကံ​တွေအတူတကွလုပ်​ကြ
အဲ့ဒါမှညီညွတ်​ပြီး ဒုက္ခချုပ်​ရာနိဗ္ဗာန်​ကို မျက်​​မှောက်​ပြုရလိမ့်မယ်"
လို့ ပြင်းပြင်းထန်​ထန်​​ဟောထားတာရှိတယ်​

မှတ်​ချက်​ ။ ​ဒေသနာကြားပါ

မည်​သည့်​အာပတ်​သင့်​သင့်​ ​ဒေသနာကြားတဲ့အခါ သဗ္ဗာ အာပတ္တိ​ယော အာဝိက​ရောမိ ဆိုတာနဲ့
့ အာဝိကတာ ဟိဿ
ဖာသု အကျိုးကိုခံစားရမှာပါ။
အာပတ်​သင့်​လျှင်​ဝိပ္ပဋိသာရ​တွေမဖြစ်​ပါနဲ့

ဧရကပတ္တနာဂရာဇဝတ္တု ကရဟန်းဟာ ဘူတဂါမသိက္ခာပုဒ်​ပါစိတ်​အာပတ်​အတွက်​​ဒေသနာမကြားမိတဲ့ဝိပ္ပဋိသာရ​ကြောင့်​ တိရစ္ဆာန်​ ဖြစ်​ရတယ်​
ဝိပ္ပဋိသာရ​နောင်​တ ​နေရာမှာ ​နောင်​ဒီလိုပြစ်​မှု့မျိုးမလုပ်​ဘူးဆိုတဲ့ ဝိရတီ သံဝရတရားနဲ့​ပြောင်းလိုက်​ပါ ဒါဆိုကုသိုလ်​ဖြစ်​သွားပြီ။

ချမ်းသာစွာသာသနာ
ပြုနိူင်ကြပါစေ..

အရှင်ကောဝိဒါဘိလင်္ကာရ
ဓမ္မသီတဂူ
မစိုးရိမ်တိုက်သစ်
မန္တလေး

အသောကအကြောင်း

သီတင်းကျွတ်လပြည့်နေ့(သို့)အဘိဓမ္မာအခါတော်နေ့သမိုင်း =

သီတင်းကျွတ်လပြည့်နေ့(သို့)အဘိဓမ္မာအခါတော်နေ့သမိုင်း
================================

️အဘိဓမ္မာအခါတော်နေ့
ဘုရားမြတ်စွာ၊ဝတိံသာသို့
ကြွလှာသုံးဘဝါး၊မိနတ်သားကို
ရည်ထားပေါင်းစု၊အကြောင်းပြု၍
မြုတေရတနာ၊ဘိဓမ္မာကို
ဝါတွင်းသုံးလ၊ဟောဖော်ပြသည်
ပန်းလှကြာနှယ်၊မွှေးတော့သည် ။။။။။။။။။။

သီတင်းကျွတ်လပြည့်၊ခါတော်နေ့တွင်
သုံးလူ့ထွဋ်ပန်၊ဝတိံယံမှ
ဗြဟ္မာ-သိကြား၊ဝန်းခစား၍
ခန့်ငြားဝင့်တယ်၊ရံစီခြယ်သော
သုံးသွယ်စောင်းတန်း၊အသွင်ဆန်းနှင့်
ကြွလှမ်းခြေချ၊သင်္ကဿနဂိုရ်
မြညိုလင်္ကျာ၊လူ့ရပ်ရွာသို့ ။။။။။။။။။။။။

ရည်စူးသတ်မှတ်၊ထိုနေ့မြတ်တွင်
ထက်ရပ်မီးပုံး၊မျှော်မဆုံးနှင့်
ဆီမီးရောင်ဝါ၊ထိန်ဝေဖြာ၍
သက်ဝါကြီးသူ၊ဂုဏ်ကြီးသူအား
ငယ်သူများက၊ဦးနှိမ်ဝန်ချ
ကန်တော့ကြ၏ ။။။။။။။။။။။။။

ဖြူ-နီ-ပြာ-ဝါ ၊ကြာများစွာတို့
ရာသီနှင့်ပန်း၊အမြင်လန်းအောင်
ကန်လုံးညွှတ်မျှ၊ပွင့်ချေပြီ
အဘိဓမ္မာအခါတော်နေ့၊စိတ်ကြည်မွေ့သည်
ပိတ်သောတံခါးပွင့်သည်သို့ ။။။။။။။။။။။။။။။။။။။။။။

သိ. ဟော. မြဲနေ. ဆင်းနတ်ပြည် မှတ်လေအ၀ိဇဟိတ လေးဌာန၊
အထက်ပါလင်္ကာလေးအရ မြတ်စွာဘုရားရှင် ( ၇ ) ၀ါမြောက်မှာ တာဝတိံသာနတ်ပြည်မှာမယ်တော်ဖြစ်ခဲ့ဖူးသော သန္တုဿိတနတ်သားကို အမှူးပြု၍ နတ်ဗြဟ္မာအပေါင်းကို မိဘကျေးဇူးဆပ် အဘိဓမ္မာတရားကို ၀ါတွင်းသုံးလပတ်လုံးဟောတော်မူပြီး ၀ါလကျွတ်သော သီတင်းကျွတ်လပြည့်နေ့၌ တာဝတိံသာနတ်ပြည် သိကြားမင်း၏ မြို့တော်သုဒဿနမှ လူ့ပြည် သင်္ကဿနဂိုရ် မြို့အ၀င်တံခါးဝသို့ ကြွချီသက်ဆင်းတော်မူခဲ့လေသည်။

ထိုသို့သက်ဆင်းတော်မူလာသောအခါ မြတ်စွာဘရားသည် ရတနာ (၇ ) ပါးဖြင့်စီခြယ်ထားသော အလယ်ဗဟို
အနီရောင်ပတ္တမြားလှေခါးမှ ဆင်းသက်တော်မူ၍ ဗြဟ္မာမင်းနှင့် ဗြဟ္မာပရိသတ်သည် ဘုရားရှင်၏ လက်ယာဘက်အဖြူရောင် ငွေလှေခါးမှလည်းကောင်း၊ သိကြားမင်းနှင့် နတ်ပရိသတ်အပေါင်းသည် လက်ဝဲဘက်အ၀ါရောင်
ရွှေလှေခါးမှလည်းကောင်း ဆင်းသက်လာကြသည်၊ သင်္ကဿနဂိုရ်ပြည်မှ စောင့်ကြိုနေသော ပရိသတ်ကြီးသည် ရတနာ ( ၇ )ပါး အပြည့်အစုံကိုမမြင်ရဘဲ ရတနာသုံးပါး ( ငွေ.ရွှေ.ပတ္တမြား ) ဖြင့် စီချယ်ထားသော လှေခါးကိုသာ မြင်တွေ့ကြရလေသည်။

လူ့ပြည်မှ ရဟန်း ရှင် လူပရိတ်သည်ကြီးသည်လည်း မြတ်စွာဘုရားခြေတော်ရာချမည့် သင်္ကဿအ၀င် မြို့တံခါးအ၀၌ ရောင်စုံမီးများထွန်းညှိကာ ပူဇော်ခြင်းဖြင့် ကြိုဆိုခဲ့ကြလေသည်။ ဗုဒ္ဓ၀င်ကျမ်းစာများအရ တာဝတိံသာနတ်ပြည်မှဆင်းသက်တော်မူရာ သင်္ကဿမြို့သည် ဘုရားရှင်တို့ မစွန့်သော အ၀ိဇဟိတ လေးဌာနတွင် တစ်ခုအပါအ၀င်ဖြစ်ပေသည်၊( ဒေ၀ါရောဟဏကာလေ သင်္ကဿနဂရေ ပဌမပါဒ ဌာနံ အ၀ိဇဟိတမေ၀ ဟောတိ )

ယင်းသို့ သီတင်းကျွတ်လပြည့်နေ့၌ နတ်ပြည်မှဆင်းတော်မူလာသောမြတ်စွာဘုရားကို လူ့ပြည်မှ ရဟန်းရှင်လူအများ ရောင်စုံမီးများဖြင့် ပူဇော်ခဲ့ကြသည်ကို အတုယူကာ ယခုတိုင် သီတင်းကျွတ်လပြည့်နေ့ရောက်တိုင်း ဘုရားကျောင်းကန် ဇရပ်တန်ဆောင်များ၌လည်းကောင်း၊ မိမိတို့နေထိုင်ရာအိမ်များ၌လည်းကောင်း လမ်းကြီးလမ်းငယ်အသွယ်သွယ် တို့၌လည်းကောင်း ရောင်စုံမီးများဖြင့်
ပူဇော်ကြလေသည်၊ အချို့  မီးပုံးပျံများဖြင့်လည်း ကောင်းကင်သို့လွတ်ကာ မြတ်စွာဘုရားဆင်းကြွတော်မူလာမည့်
ချိန်ကို မှန်းဆကာ လွှတ်တင်ပူဇော်ကြလေသည်။

တာဝတိံသာနတ်ပြည်ရှိ စူဠာမဏိစေတီတော်ကို မှန်းဆကာ ပူဇော်ကြသည်ဟုလည်း ဆိုကြသည်။
ဒါကြောင့် သီတင်းကျွတ်လပြည့်နေ့ကို အဘိဓမ္မာအခါတော်နေ့ ဟု သတ်မှတ်ကာအဘိဓမ္မာ ဆိုင်ရာ ပဌာန်းဒေသနာများရွတ်ဘာသ်ကာ နေရာဒေသအသီးသီးတိုင်းမှာ မြတ်စွာဘုရားကို တစ်မျိုးတဖုံပူဇော်ကြလေသည်။
သံဃာတော်များဘက်မှကြည့်ရင်လည်း
ပုရိမ၀ါဆိုခဲ့ကြသောရဟန်းတော်များ ၀ါတွင်းသုံးလမှ ၀ါကျွတ်သောနေ့-
ဝါဆိုသောသံဃာ အချင်းချင်း အပြစ်ရှိက တောင်းပန်ပြောကြားကြသော မဟာပ၀ါရဏာနေ့ထူးနေ့မြတ်မျိုးလည်း
ဖြစ်ပါသည်။

လူဒကာ.ဒကာမများဘက်မှာဆိုရင်တော့ မြတ်စွာဘုရားသည် တာဝတိံသာနတ်ပြည်သို့တက်ကာ မယ်တော်သန္တုဿိတနတ်သားကို မိဘကျေးဇူးဆပ်ဟောကြားတော်မူခဲ့
သည်ကို အတုယူကာ သီတင်းကျွတ်ရောက်တိုင်း မိဘတို့ကို ကာယကံ ၀စီကံ မနောကံတို့ဖြင့် ပြစ်မှားမိခဲ့ပါက ခွတ်လွတ်ပေးရန် ကန်တော့ဝန်ချကြသောနေ့ထူးနေ့မြတ်လည်းဖြစ်ပါသည်၊ ၊

ဒါကြောင့် အခုလို့သီတင်းကျွတ်လပြည့်နေ့မှာ မြတ်စွာဘုရားရှင်ကို ရောင်စုံဆီမီးများဖြင့် ပူဇော်ရင်း အဘိဓမ္မာတရားများဖြစ်သော ပဌာန်းဒေသနာများကိုရွတ်ဘာသ်ပူဇော်ရင်း မိမိတို့၏ မိဘ ဘိုးဘွားတို့ကို အပြစ်ရှိသမျှဝန်ချတောင်းပန်ကန်တော့ရင်းဖြင့် မိဘကျေးဇူးကို နားလည်ကာ ကုသိုလ်များပွားများနိုင်ကြပါစေလို့ ပတ္ထနာပြုရင်း ………………………

*သီတင်းကျွတ်လပြည့်နေ့*အဘိဓမ္မာအခါတော်နေ့ *
=============================

မြတ်စွာဘုရားရှင်သည် မဟာသက္ကရာဇ်​(၁၀၉)ခုနှစ်၊ ၀ါဆိုလပြည့် ညနေချမ်း၌ သာဝတ္ထိပြည်အနီး ကောသလမင်း၏ ဥယျာဉ်မှူး ကဏ္ဍသည် ဘုရားရှင် မိန့်ကြားချက်အတိုင်း စိုက်ပျိုးအပ်သော ကဏ္ဍမ္ဗ သရက်ဖြူပင်အနီးတွင် တိတ္ထိ တို့ကို နှိမ်နင်းတော်မူရန် ရေမီးအစုံစုံ တန်ခိုးပြာဋိဟာ ပြပွဲကြီးကို အဆန်းတကြယ် ဖန်ဆင်းပြတော်မူသည်။ ထိုပွဲအပြီးတွင် မြတ်စွာဘုရားသည် မယ်တော်ဟောင်း နတ်သားအား အဘိဓမ္မာဒေသနာဖြင့် ကျေးဇူးဆပ်ရန် ခြေလှမ်းနှစ်လှမ်း သုံးဖ၀ါးဖြင့်သာ တာဝတိံသာနတ်ပြည်သို့ ကြွသွားတော်မူသည်။ ပရိသတ်က ဘုရားရှင်ကိုမမြင်တွေ့တော့၍ အရှင်အနုရုဒ္ဓါမထေရ်အား မေးမြန်းရာ မထေရ်မြတ်ရှင်းပြမှ အကြောင်းစုံသိကြရသည်။ ပရိသတ်ကြီးက ဘုရားရှင်ကို မဖူးရဘဲ မပြန်ဟု တိုင်ပင်ကြကာ ထိုနေရာမှာပဲ ယာယီတဲနန်းထိုးကာ နေကြလေသည်။

သီတင်းကျွတ်ခါနီးမှ အရှင်မဟာမောဂ္ဂလန်ထံမှ တစ်ဆင့် ဘုရားရှင် သင်္ကဿမြို့သို့ ကြွဆင်းတော်မူမည့်အကြောင်း သိရသဖြင့် သင်္ကဿမြို့ကနေ သွားရောက်ကြိုဆိုကြသည်။ ဘုရားရှင်သည် တာဝတိံသာပြည် ပဏ္ဍုကမ္ဗလာ မြကျောက်ဖျာ၌ မယ်တော်ဟောင်း သန္တုသိတအမှူးရှိသော နတ်ဗြဟ္မာတို့အား ၀ါတွင်းသုံးလ နေ့ညမစဲ အဘိဓမ္မာတရားကို ဟောကြားတော်မူရာ သီတင်းကျွတ်လပြည့်နေ့၌ ပြီးဆုံးလေသည်။ မြတ်စွာဘုရားသည် သီတင်းကျွတ် လပြည့်နေ့၌ သိကြားမင်းအား လူ့ပြည်ပြန်တော့မည့်အကြောင်း နှုတ်ဆက်စကား မိန့်ကြားရာ သိကြားမင်းက ရွှေစောင်တန်း၊ ငွေစောင်းတန်း၊ ပတ္တမြားစောင်းတန်း၊ စောင်းတန်းသုံးသွယ်တို့ကို ဖန်တီးပေးသည်။ လကျာ်ဘက်ရွှေစောင်းတန်းက နတ်များအဖို့ရည်ရွယ်သည်။ လက်ဝဲဘက်ငွေစောင်းတန်းက ဗြဟ္မာများအတွက် ရည်ရွယ်သည်။ ပတ္တမြားစောင်းတန်းက ဘုရားရှင်အတွက် ရည်ရွယ်သည်။ စောင်းတန်းတို့၏ မုခ်ဦးက မြင်းမိုရ် တောင်ထိပ်မှာရှိ၍ အခြေက သင်္ကဿမြို့တံခါးဝမှာရှိသည်။ ဘုရားရှင်သည် လူ့ပြည်ဆင်းခါနီး မြင်းမိုရ်တောင်ထိပ်တွင် ရပ်လျက် ရေအစုံမီးအစုံ တန်ခိုးပြာဋိဟာတို့ကို ပြတော်မူ၍ ထက်ကောင်းကင်သို့ ကြည့်တော်မူသောအခါ အကနိဋ္ဌဗြဟ္မာပြည်တိုင်အောင် အဆီးအတားမရှိ ဟင်းလင်းဖြစ်သွားတော့၏။

အောက်ကိုကြည့်သောအခါ အ၀ီစိငရဲတိုင်အောင် အပိတ်အပင် အတားအဆီးမရှိ ဟင်းလင်းပြင် ဖြစ်သွားတော့၏။ ထိုအခါသမယတွင် ပြည်သူပြည်သားအပေါင်းတို့က မီးရှူးမီးတိုင်များ ၊မီးပန်းများ၊ ဆီမီးများ ပန်း၊ ရေချမ်းများဖြင့် ကပ်လှူပူဇော်ကြသည် ။
တာဝတိံသာနတ်ပြည်ရှိ စူဠာမဏိစေတီတော် ကိုလည်း ပူဇော်သည့် အထိမ်းအမှတ်ဖြင့် မီးပုံးများပြုလုပ်၍ ကောင်းကင်သို့  လွှတ်တင်ပူဇော်ကြသည် ။ထိုကဲ့သို့ ပူဇော်ကြသည်ကို အကြောင်းပြုကာ ယနေ့ ခေတ်အခါတိုင်အောင် မြန်မာတစ်နိုင်ငံလုံး၌ နှစ်စဉ်ကျင်းပ ပြုလုပ်မြဲ ဖြစ်သည် ။

-ဘုရားရှင် (၇) ၀ါမြောက်ကာလ၊ (၇)လမြောက် မြန်မာရဟန်းသံဃာတော်များ တစ်နေရာတည်း၌ ၀ါကပ်နေထိုင်ခြင်း (သီတင်း)မှ ကျွတ်ခြင်း (ပြီးဆုံးခြင်း) အခါသမယဖြစ်သော *သီတင်းကျွတ်လပြည့်နေ့*။ -တာဝတိံသာနတ်ပြည်မှ အမေဟောင်းသန္တုဿိတနတ်သားနှင့်
တကွ နတ်ဗြဟ္မာတို့အား အဘိဓမ္မာ(၇)ကျမ်းဟောကြားသော
ကြောင့် *အဘိဓမ္မာအခါတော်နေ့*။

-ရဟန်းသံဃာတော်များအချင်းချင်း အပြစ်ရှိက ထောက်ပြပြောကြားပါရန် မာန်ကင်းစွာ၊ ယဉ်ကျေးစွာ၊ ရိုသေစွာ ဖိတ်မန်တိုက်တွန်းအမှုပြုကြသောကြောင့် *ပ၀ါရဏာနေ့*။ (သီတင်းကျွတ်လပြည့်နေ့တွင် ပုရိမ၀ါမှ ထမြောက်ကြသော သံဃာတော်အရှင်မြတ်များသည် မိမိတို့ အချင်းချင်း အပြစ်ကြီးငယ်ရှိပါက သည်းခံခွင့်လွတ်ရန်၊ လမ်းမှန်ကိုညွန်ပြရန်၊ သွန်သင်ဆုံးမရန် တောင်းပန်ကြပြီး ပ၀ါရဏာပြုကြပါသည်။)

-အရှင်သာရိပုတ္တရာရှိရာ သင်္ကဿမြို့ ကို စောင်းတန်းသုံးသွယ်ဖြင့် နတ်ဗြဟ္မာအပေါင်းခြံရံလျက် ဆင်းသက်တော်မူလာသော မြတ်စွာဘုရားသည် တုနှိုင်းဖွယ်မရှိ၊ အလွန်တင့်တယ် သပ္ပါယ်တော်မူသောကြောင့် နတ်လူအများ ကြည်ညိုစိတ်ပွားကာ *ဘုရားဆုပန်ကြသောနေ့*။ (အဲဒီအချိန်မှာ အလွန်တင့်တယ်လွန်းတဲ့ မြတ်စွာဘုရားကို အားကျပြီးတော့ သူတို့လည်း တစ်ချိန်မှာ ဘုရားဖြစ်ချင်တဲ့ ဆန္ဒတွေ ဖြစ်ပေါ်လာကြတယ်..... ဒါကြောင့် ဘုရားဖြစ်ဖို့အတွက် ဆုတွေပန်ကြတယ်) -ထိုသို့  အဘိဓမ္မာဒေသနာ ဟောကြားပြီးနောက် တာဝတိံသာနတ်ပြည်မှ လူ့ ပြည်သို့  ညချမ်းအခါ၌ ဆင်းသက်လာသော မြတ်စွာဘုရားအား ဗြဟ္မာ နတ် လူ သုံးဘုံသူတို့ အတူတကွ ကြည်ဖြူပူဇော်သောအားဖြင့် ဆီမီးထွန်းညှိပူဇော်ကြသော *မီးထွန်းပွဲတော်နေ့ *။

(ထိုအချိန်က မြတ်စွာဘုရား တာဝတိံသာနတ်ပြည်မှ လူပြည်သို့ ပြန်လည်ကြွမြန်လားခြင်းကို ကြိုဆိုသော အားဖြင့် ၊ ရောင်စုံမီးများ ထွန်းညှိခဲ့ကြသည်။ ထိုယဉ်ကျေးမှုကို အခြေခံ၍ ယနေ့ထက်တိုင် သီတင်းကျွတ်လပြည့်နေ၌ မီးထွန်းပွဲများ ကျင်းပကာ မြတ်ဗုဒ္ဓအား ပူဇော်ပသကြလေသည်။) -ကျေးဇူးကြီးလှ မိဘဘိုးဘွား သက်ကြီးများ၊ ဆရာသမားများအား လက်ဆယ်ဖြာမိုး၍ ရိုသေစွာ ကန်တော့ကြသော *သက်ကြီးပူဇော်ပွဲနေ့ *။

ကျွနု​ပ်တို့ မြတ်ဗုဒ္ဓဘာသာဝင် သူတော်စင်​များသည် ထိုနေ့ထူးနေ့မြတ် သီတင်းကျွတ်လပြည့်နေ့၌ *သီတင်းသီလဆောက်တည်ခြင်း၊ *၂၄-နာရီအသံမစဲ မဟာပဌာန်းရွတ်ဖတ်ပူဇော်ခြင်း၊ *အဘိုးအဘွား၊ မိဘ၊ ဆရာများအားကန်တော့ခြင်း၊ *မျိုးဆက်သစ်များအား ဓမ္မလက်ဆောင်များပေးအပ်ခြင်း၊ *သံဃာတော်များအား ဆွမ်းဆက်ကပ်လှူဒါန်းခြင်း၊ *တရားတော်များနာကြားခြင်း၊ *ဆီမီးထွန်းညှိပူဇော်ခြင်း စသည့်ကောင်းမှုကုသိုလ်များပြုကြသည်။ *နတ်ပြည်ရှိ စူဠာမဏိစေတီတော်ကို ပူဇော်သည့် အနေဖြင့် မီးပုံးပျံများ လွှတ်တင်ကြသည်။ စေတီပုထိုး၊ ကျောင်းကန်ဇရပ်များတွင်သာမက လူနေအိမ်များ၊ စပါးကျီ၊ မောင်းဆုံ၊ ဈေးဆိုင် စသည့် လူ့အကျိုးပြုပစ္စည်း ပစ္စယများတွင်ပါ ဆီမီးထွန်းညှိကြသည်။

မုန့်လက်ကောက်၊ မုန့်ဆီကြော် စသည့် မြန်မာမုန့်များ ပြုလုပ်ကျွေးမွေးကြသည်။ လူငယ်လူရွယ်တို့က မိဘဘိုးဘွား၊ ရပ်မိရပ်ဖသက်ကြီးရွယ်အိုများကို စားသောက်ဖွယ်ရာများ၊ အဝတ်အထည်၊ လူ့အသုံးအဆောင်ပစ္စည်း ပစ္စယများဖြင့် ပူဇော်ကန်တော့ကြသည်။

တပည့်များက ဆရာသမားများကို ပူဇော်ကန်တော့ကြသည်။ လူကြီးမိဘ ဆရာသမား အကန်တော့ခံပုဂ္ဂိုလ်များက သာကြောင်းမာကြောင်း၊ တိုးတက်ဖွံ့ဖြိုးစေကြောင်း၊ ကောင်းကျိုးလိုရာဆန္ဒနှင့်
ပြည့်စုံစေကြောင်းဆုမွန်ကောင်းများ တောင်းပေးကြသည်။ ဆုံးမသြဝါဒများ ပေးကြသည်။

ဗုဒ္ဓသာသနာ့ဘောင်ရှိ ရဟန်းငယ်များကလည်း ရဟန်းကြီး၊ ဆရာတော်ကြီးများကို ရှိခိုးကန်တော့ကြသည်။ မိမိတို့တွင် အပြစ်ကြီးငယ်ရှိပါကလည်း ခွင့်လွှတ်ပါရန် တောင်းပန်ကြသည်၊ ဆရာတော်ကြီးများထံမှ သြဝါဒကိုခံယူကြသည်။ ဗုဒ္ဓဒေသနာအရ သီတင်းကျွတ်လပြည့်နေ့ကို အဘိဓမ္မာအခါတော်နေ့အဖြစ် ပညာရှင်တို့ သတ်မှတ်ခဲ့ကြသည်။ အကြောင်းက နတ်ပြည်၌နတ်ပရိတ်များကို အဘိဓမ္မာဒေသနာ အကျယ်ဟောကြား ပြီးဆုံးသောနေ့သည် *သီတင်းကျွတ်လပြည့်နေ့*
ဖြစ်သောကြောင့်တည်း။

စန္ဒကူးတော၌ အရှင်သာရိပုတ္တရာအား အဘိဓမ္မာဒေသနာအကျဉ်း ဟောကြားပြီးဆုံးသောနေ့သည်လည်း*သီတင်းကျွတ်လပြည့်နေ့* ဖြစ်သည်။ တဖန်အရှင်သာရိပုတ္တရာက တပည့်ငါးရာတို့အား အဘိဓမ္မာဒေသနာကို မကျဉ်းမကျယ် အလယ်အလတ် ဟောကြားပြီးဆုံးသော နေ့သည်လည်း *သီတင်းကျွတ်လပြည့်နေ့* ဖြစ်သည်။

* အဘိဓမ္မာ(၇)ကျမ်း *
၁။ ဓမ္မသင်္ဂဏီ၊
၂။ ၀ိဘင်း၊
၃။ ဓာတုကထာ၊
၎။ ပုဂ္ဂလပညတ်၊
၅။ ကထာဝတ္ထု၊
၆။ ယမိုက်၊
၇။ ပဋ္ဌာန်းဟူ၍ ခုနစ်ကျမ်းရှိသည်။

(၁)ကုသိုလ်၊ အကုသိုလ်စသောတရားတို့ကို အကျဉ်းချုပ်အားဖြင့် ဟောကြားတော်မူသော ကျမ်းကို*ဓမ္မသင်္ဂဏီကျမ်း*ဟုခေါ်သည်။

(၂)ခန္ဓာစသောတရားတို့ကို
သုတ္တန်နည်း၊ အဘိဓမ္မာနည်းတို့ဖြင့် အမေးအဖြေပြုလုပ်ကာ အကျယ်ဝေဖန်
ဟောကြားသောကျမ်းကို *၀ိဘင်း ကျမ်း*ဟုခေါ်သည်။

(၃)ဓာတ်အမျိုးမျိုး ဟောကြားသောကျမ်းကို *ဓာတုကထာ*ဟုခေါ်သည်။

(၄)ပုဂ္ဂိုလ် အမျိုးတို့ကို ခွဲခြားသတ်မှတ် အမည်တပ်၍ ဟောကြားသောကျမ်းကို "ပုဂ္ဂလပညတ်" ဟုခေါ်သည်။

(၅)အယူဝါဒနှင့်ဆိုင်သောစကားတို့ ၏တည်ရာဖြစ်၍ အဘိဓမ္မာ အနှစ်သာရတို့နှင့်ပြည့်စုံသောကျမ်းကို*ကထာဝတ္ထု*ဟုခေါ်သည်။

(၆)အနုလုံနှင့် ပဋိလုံ၊ ပုစ္ဆာနှင့်ဝိသဇ္ဇာနာ၊ သန္နိဋ္ဌာန်နှင့် သံသယအစုံစုံပြု၍ ဟောကြားတော်မူသောကျမ်းကို *ယမိုက်ကျမ်း*ဟုခေါ်သည်။

(၇)အကြောင်းအမျိုးမျိုးကို ဟောတော်မူသောကျမ်း၊ ကုသိုလ်စသောတရားတို့ကို နှစ်ဆယ့်လေး ပစ္စည်းဖြင့် ဝေဖန်သော ကျမ်း၊ သဗ္ဗညုတဉာဏ်တော်၏ ကျက်စားရာဖြစ်သော ကျမ်းကို *ပဋ္ဌာန်းကျမ်း*ဟု ခေါ်သည်။ အဘိဓမ္မာတရားသည် (အမိကျေးဇူးဆပ်တရားဖြစ်ခြင်း) (နတ်ပြည်၌ဟောကြားခြင်း) (သုံးလကြာမျှဟောရခြင်း) (ပကတိဘုရားနှင့် နိမ္မိတဘုရားတို့ တစ်လှည့်စီဟောကြားခြင်း) ဟု ထူးခြားချက်လေးမျိုးနှင့်ပြည့်စုံသော တရားဖြစ်သည်။ အဘိဓမ္မာတရားသည် (ပါဠိ၏ နက်နဲခြင်း) (သဘောအဓိပ္ပါယ်၏ နက်နဲခြင်း) (ဟောကြားပုံအစီအစဉ်၏ နက်နဲခြင်း) (ဉာဏ်တော်၏ နက်နဲခြင်း) စသော ဂမ္ဘီရလေးမျိုးနှင့်ပြည့်စုံသော တရားဖြစ်သည်။ အဘိဓမ္မာတရားတော်ကို (သင်ယူခြင်း)(ကြားနာခြင်း)(ရွတ်ဖတ်ပူဇော်ခြင်း)ကြောင့် လင်းနို့သားရဟန်းငါးရာကဲ့သို့ နမရူပပရိစ္ဆေဒဉာဏ်ရင့်သန်ခြင်း၊ မဂ်ဖိုလ်နိဗ္ဗာန်ရရန် အကြောင်း အထောက်အပံ့ ကောင်းဖြစ်ခြင်း၊ ဘေးဥပါဒ်အန္တရယ်ကင်းဝေးခြင်း၊ ကျက်သရေမင်္ဂလာ အဖြာဖြာနှင့်ပြည့်စုံခြင်းဟူသော အကျိုးထူး တရားများရရှိနိုင်သည်။
====================

သီတင်းကျွတ်လပြည့်နေ့ကို နေ့ထူးနေ့မြတ်အဖြစ် အဘိဓမ္မာအခါတော်နေ့ဟု သတ်မှတ်ကြသည်။ ထိုနေ့တွင် နယ်တိုင်း မြို့တိုင်း၌ ဆီမီးများ ထွန်းညှိကာ မြတ်စွာဘုရားရှင်အား ပူဇော်ကြ၏။ ထိုအစဉ်အလာကား မြတ်စွာဘုရားရှင် တာဝတိံသာနတ်ပြည်မှ မယ်တော်နတ်သားအား ကျေးဇူးဆပ်သော အားဖြင့် အဘိဓမ္မာမြတ်ဒေသနာတော်ကို ဟောကြားတော်မူပြီး သင်္ကဿနဂိုရ်ပြည်တောင်တံခါးသို့ ဆင်းသက်တော်မူရာအခါ၌ နတ်ဗြဟ္မာအပေါင်းမှ ကြိုဆိုခဲ့သည့် အစဉ်အလာကို နည်းမှီကာ ယနေ့တွင် ဆီမီးများဖြင့် ပူဇော်ခြင်းဖြစ်၏။

ဘိုးဘွားမိဘဆရာသမားများအား ကာယကံ ဝစီကံ မနောကံများဖြင့် ပြစ်မှားမိခဲ့သည်ရှိသော် အပြစ်ခပ်သိမ်း ပပျောက်ငြိမ်းဖို့ ကန်တော့ကြသည့် မိဘဆရာပူဇော်ပွဲများ၊ ဝါတွင်းသုံးလ ဝါဆိုဝါကပ်တော်မူကြသည့် သံဃာတော်များ ဝါကျွတ်သည့်အခါ အပြစ်ရှိက အချင်းချင်း တောင်းပန်ပြောကြား ကြသော ပဝါရဏာနေ့ အခမ်းအနားများ၊ မီးထွန်းပွဲအခမ်းအနား စသည်ဖြင့် ကြည်ညိုဖွယ်ရာများစွာ ပြည့်နှက်နေ့သည့် နေထူးနေ့မြတ်ပင်ဖြစ်သည်။ မဟာသက္ကရာဇ်(၁၀၉)ခုနှစ်၊ ဝါဆိုလပြည့် သာဝတ္ထိပြည် ကောသလမင်းကြီး၏ ကဏ္ဍ ဥယျာဉ်မှူး မြတ်စွာဘုရားရှင်၏ ညွှန်ကြားချက်အတိုင်း စိုက်ပျိုးအပ်သော ကဏ္ဍမ္ဗသရက်ဖြူပင်အနီးမှာ တိတ္ထိတို့ကို နှိမ်နှင်းတော်မူရန် ရေမီးအစုံစုံ တန်ခိုးပြာဋိဟာကို ပြတော်မူသည်။

ဤသို့ ယမိုက်(ရေးမီးအစုံ) ပြာဋိဟာကို ပြတော်မူပြီး၍ ဝါဆိုလပြည့် ညနေဆည်းဆာချိန်တွင် ရှေးမြတ်စွာဘုရားရှင်တို့နည်းတူ တာဝတိ`ံသာ နတ်ပြည်၌ ဝါကပ်တော်မူ၍ မယ်တော်မိနတ်သားအား အဘိဓမ္မာတရားဟောကြားတော်မူရန် တာဝတိ`ံသာနတ်ပြည်သို့ ခြေနှစ်လှမ်း(သုံးဖဝါး)ဖြင့် ကြွသွားတော်မူ၏။ မြတ်စွာဘုရားရှင်သည် တာဝတိံသာ နတ်ပြည်၌ ဝါတွင်းသုံးလပတ်လုံး ဝါကပ်သီတင်းသုံးရန် ပယ်လယ်ကသစ်ပင်ရင်းရှိ သိကြားမင်း၏ ပဏ္ဍုကမ္ဗလာ မြကျောက်ဖျာကြီးပေါ်၌ သီတင်းသုံးတော်မူ၏။

ဤသို့ တာဝတိံသာ နတ်ပြည်သို့ မြတ်စွာဘုရားရှင် ကြွတော်မူလျှင် လူပြည်၌ တန်ခိုးပြာဋိဟာကိုပြပွဲသို့ စုဝေးရောက်ရှိကြကုန်သော လူအပေါင်းတို့က ကောင်းကင်သို့ မျှော်ကြည့်၍ ဘုရားရှင် အဘယ်သို့ ကြွတော်မူပါသနည်းဟု မေးလျှောက်သဖြင့် ဒိဗ္ဗစက္ခုဧတဒဂ်ရ အရှင်အနုရုဒ္ဓါမထေရ်က ဘုရားရှင်သည် တာဝတိံသာနတ်ပြည်ဝယ် သိကြားမင်း၏ ပဏ္ဍုကမ္ဗလာ ကျောက်ဖျာထက်၌ ဝါကပ်တော်မူလျှင် မယ်တော်မိနတ်သားအမှူးပြုသော နတ်ဗြဟ္မာအပေါင်းအား အဘိဓမ္မာတရားကို ဟောကြားရန် တာဝတိံသာ နတ်ပြည်သို့ ကြွတော်မူ၏ဟု ဖြေကြား၏။

လူတို့သည် မြတ်စွာဘုရားရှင်ကို မဖူးမြင်ရသမျှ ဤအရပ်မှ မပြန်အံ့ဟု ကြံပြီးလျှင် သာဝတ္ထိပြည်အနီးဝယ် အသီးသီး သစ်ခက်တဲမဏ္ဍပ်ကို ပြု၍ နေကြကုန်၏။ မြတ်စွာဘုရားရှင်သည် ရှေးဦးကပင်လျှင် အရှင်မောဂ္ဂလန်အား သင်ချစ်သားသည် ဤပရိတ်သတ်အား တရားဟောရစ်ရမည်ဟု မိန့်တော်မူခဲ့ပြီး ဖြစ်၏။ မြတ်စွာဘုရားရှင်သည် ပဏ္ဍုကမ္ဗလာမြကျောက်ဖျာပေါ်၌ ၇-ဝါမြောက်ဝါကပ်တော်မူ၍ ဝါတွင်းသုံးလပတ်လုံး အဘိဓမ္မာဒေသနာတော်ကို ဟောကြားတော်မူခဲ့၏။ တစ်ဖန် အရှင်သာရိပုတ္တရာအား အဘိဓမ္မာတရား အကျဉ်းဟောတော်မူ၏။

အရှင်သာရိပုတ္တရာမှလည်း မိမိ၏ တပည့် ရဟန်းငါးရာအား မြတ်စွာဘုရားရှင် ဟောကြားတော်မူသော အဘိဓမ္မာအကျဉ်းကို မိမိဉာဏ်ဖြင့် ချဲ့ကာ မကျဉ်းမကျယ် အလယ်အလတ်အားဖြင့် ပြန်လည်ဟောကြားတော်မူပါတယ်။ မြတ်စွာဘုရားရှင် တာဝတိံသာ၌ အဘိဓမ္မာတရား ဟောကြားခြင်းပြီးဆုံးသည်နှင့် တပြိုက်နက် အရှင်သာရိပုတ္တရာက တပည့် ရဟန်းငါးရာကို အဘိဓမ္မာတရား သင်ပြပို့ချပေးမှုလည်း ပြီးဆုံးလေတော့၏။ ထိုနေ့ကား သီတင်းကျွတ်လပြည့်နေ့တည်း။ အဘိဓမ္မာဒေသနာတော်ကို ဟောကြားတော်မူပြီးသော် သိကြားမင်းအား မြတ်စွာဘုရားရှင်က သင်သိကြားမင်း၏ နတ်ပြည်၌ ငါ့ဘုရားပြုဘွယ်ကိစ္စကို ပြုပြီးပြီ။ လူ့ပြည်ရှိ သင်္ကဿနဂိုရ်ပြည်သို့ ငါဘုရားဆင်းသက်တော်မူအံ့ဟု မိန့်တော်မူ၏။

သီတင်းကျွတ်လဆန်း၈ရက်နေ့တွင် အရှင်မောဂ္ဂလာန်မှ တာဝတိံသာနတ်ပြည်သို့ တက်တော်မူပြီး မြတ်စွာဘုရားရှင် အဘယ်အရပ်၌ ဆင်းသက်မည်နည်းဟု မေးလျှောက်သဖြင့် မြတ်စွာဘုရားရှင်က ချစ်သား သင်၏ နောင်တော်ကြီး သာရိပုတ္တရာ ဝါကပ်ရာ သင်္ကဿနဂိုရ်ပြည် တောင်တံခါး၌ သီတင်းကျွတ်လပြည့်နေ့ ပဝါရဏာနေ့တွင် ဆင်းသက်တော်မူမည်ဟု မိန့်တော်မူပါတယ်။ လူအပေါင်းတို့အား ထိုအကြောင်းကို အရှင်မောဂ္ဂလန်မှတဆင့် ကြားသိရဖြင့် သီတင်းကျွတ်လဆန်း ၉ရက်နေ့၌ပင် သင်္ကဿနဂိုရ်ပြည် တောင်တံခါးသို့ ရှေးရှုသွားကြကုန်၏။ သီတင်းကျွတ်လပြည့်နေ့ရောက်သော် သိကြားမင်းသည် တာဝတိံသာနတ်ပြည် သုဒဿနမြို့မှသည် သင်္ကဿနဂိုရ်ပြည်တောင်တံခါးဝထိ ရွှေစောင်းတန်း၊ ပတ္တမြားစောင်းတန်း၊ ငွေစောင်းတန်းဟူသော စောင်းတန်းလှေကားသုံးသွယ်ကို တင့်တယ်စွာ စီရင်၏။

မြတ်စွာဘုရားရှင်သည် ရောင်ခြည်တော် ခြောက်သွယ် တပြိုင်နက် ထွန်းလင်းစေလျက် အတုမရှိသော အသရေတော်ကို ပြတော်မူ၍ ပတ္ထမြားစောင်းတန်းဖြင့် ဆင်းသက်ကြွတော်မူ၏။ ဗြဟ္မာကြီးတို့က ဘုရားရှင်အား ရွှေထီး ငွေထီး၊ သန္တာထီးတို့ဖြင့် အသီးသီးမိုးလျှက် လက်ျာဘက်ရှိ ရွှေစောင်းတန်းဖြင့်၊ သိကြားမင်းအမှူးရှိသော နတ်အပေါင်းတို့မှ ရွှေတံခွန်၊ ငွေတံခွန်၊ ပုလဲတံခွန်တို့ကို ကိုင်လျှက် မြတ်စွာဘုရားရှင်အား ပူဇော်ကာ လက်ဝဲဘက်ရှိ ငွေစောင်းတန်းဖြင့် ဆင်းသက်လာကုန်၏။

ဤသို့အတုမရှိသော မြတ်စွာဘုရားရှင်၏ အသရေတော်ကို ဖူးမြင်ရသော လူပရိတ်သတ်အပေါင်းတို့သည် အားရဝမ်းသာဖြစ်၍ ဘုရားအဖြစ်ကို မတောင်းတသူ တစ်ဦးမျှပင်မရှိပေ။ အရှင်သာရိပုတ္တရာက တပည့်ရဟန်းငါးရာနှင့်တကွ မြတ်စွာဘုရားရှင်၏ ခြေတော်စုံ၌ ဦးခိုက်ရှိခိုးကြ၏။ အရှင်သာရိပုတ္တရာ မြတ်စွာဘုရား ယနေ့ ခပ်သိမ်းသော လူနတ်ဗြဟ္မာတို့သည် အတုမရှိသော မြတ်စွာဘုရားရှင်၏ အသရေတော်ကို ဖူးမြင်ကြရ၍ လွန်စွာ မြတ်နိုးကြကုန်လျက် ဘုရားဆုကို တောင့်တကြကုန်၏။

မြတ်စွာဘုရားရှင်က အရှင်သာရိပုတ္တရာအား ချစ်သား ကိလေသာမီးတို့၏ ငြိမ်းရာ အေးမြသည့် နိဗ္ဗာန်ချမ်းသာ၌ မွေ့လျော်ကြကုန်သော သဗ္ဗညုတဘုရားရှင်တို့အား ဗြဟ္မာနတ်လူအပေါင်းတို့က ဤသို့ ချစ်မြတ်နိုးကြကုန်သည်သာတည်းဟု မေးကာ ဖြေကာဖြင့် တရားတော်ကို ဟောကြားတော်မူခဲ့ပါတယ်။ ထိုတရားကိုနာကြားကြရ၍ အရှင်သာရိပုတ္တရာ၏ တပည့်ငါးရာသည် ရဟန္တာအဖြစ်သို့ ရောက်တော်မူခဲ့ပါတယ်။ ထိုနေ့သည်ကား သီတင်းကျွတ်
လပြည့်​နေ့ပေတည်း။

အချုပ်အားဖြင့် သီတင်းကျွတ်လပြည့်နေ့ကို မြတ်စွာဘုရားရှင် တာဝတိံသာနတ်ပြည်၌ မယ်တော် သန္တုဿိတနတ်သားအမှူးရှိသော နတ်ဗြဟ္မာအပေါင်းအား အဘိဓမ္မာတရား ဟောကြားတော်မူပြီးခဲ့နေ့၊ အရှင်သာရိပုတ္တရာအား အဘိဓမ္မတရားအကျဉ်း ဟောတော်မူပြီးခဲ့သည့်နေ့၊ အရှင်သာရိပုတ္တရာမှ တပည့်ရဟန်းငါးရာအား မကျဉ်းမကျယ် အဘိဓမ္မာတရားကို ဟောတော်မူပြီးခဲ့သည့်နေ့၊ အဘိဓမ္မာဒေသနာတော် ဟောတော်မူပြီးနောက် တာဝတိံသာ နတ်ပြည်မှ သင်္ကဿနဂိုရ်ပြည်သို့ ဆင်းသက်တော်မူခဲ့သည့်နေ့၊ ဝါဆိုဝါကပ်တော်မူကြသော သံဃာတော်များ အပြစ်ရှိက အချင်းချင်း ပြောကြားကြရသော ပဝါရဏာနေ့၊ မြတ်စွာဘုရားရှင် သင်္ကဿနဂိုရ်ပြည်သို့ ဆင်းသက်တော်မူရာအခါ၌ ကြိုဆိုပူဇော်ကြသော နတ်ဗြဟ္မာနှင့်လူအပေါင်းတို့ ဘုရားဆုပန်ကြသောနေ့ များသည် သီတင်းကျွတ်လပြည့်နေ့ဖြစ်ခြင်း စသည်ဖြင့် နေ့ထူး နေ့မြတ်ပေါင်းများစွာမှ ရှေးဘုရားရှင်တို့၏ ထုံးအတိုင်း မယ်တော်ဖြစ်ခဲ့ဖူးသော သန္တုဿိတနတ်သားအား ကျေးဇူးဆပ်သောအားဖြင့် အဘိဓမ္မာဒေသနာတော်ကို ဟောကြားတော်မူပြီးသည့်နေ့ကို အဘိဓမ္မာအခါတော်နေ့ဟု မှတ်တမ်းတင်တော်မူခဲ့ခြင်း ဖြစ်လေသည်။

အရှင်နာယက(ဗုဒ္ဓတက္ကသိုလ်)

ဓမ္မရတနာ